影片
更多
2025-06-04
172 瀏覽
大埔區可算係臥虎藏龍之地，每當遊走呢區都會發掘到有趣食肆。結伴友人即興想打邊爐，一search就出現呢間！進店一秒穿越古代，門口擺放大張金碧輝煌嘅龍椅，每組枱setting仿傚客棧格局，我哋幻想自己係江湖大俠、喺度歇腳打返個靚邊邊先繼續趕路！餐廳嘅職員都幾有禮貌亦都幫忙點菜、有位姐姐會幫手烚下肉撈醬等手勢好掂。醬介盤係個九宮格整潔又好睇，店員提議叫壺自製竹蔗茅根水清熱潤下喉、good idea ○《翻雲覆乳》香濃豆乳蜜瓜濃湯鍋 ・呢個湯底自帶仙氣、最啱出片打卡呃心心！金龍鍋中央有大蜜瓜、上面用娃娃菜舖成花托、再放上三朵用濃豆乳湯冷凍成型的玫瑰花，鍋旁放咗龍躉片，一注入豆乳湯即刻噴煙，效果係好靚。之後店員會將蜜瓜切細件，湯滾起我哋立即𢳂碗嚟飲，確係清甜順滑、天時暑熱飲呢個唔腬，又有蜜瓜龍躉食、正○大滾友牛肉拼盤(細)▪︎頂級雪花肥牛▪︎手切外裙肉▪︎手切牛頸脊▪︎牛黃喉▪︎金錢展▪︎牛舌▪︎牛柳粒・打邊爐非牛不可、有選擇困難症嘅我哋叫呢個拼盤啱喇，大包圍唔駛揀。一嚟到係威係勢，首先搶閘雪花肥牛，淥幾淥一放入口、啲油潤口感返晒嚟！而且佢嫩而不柴牛味足。牛柳粒直頭唔錯，油脂豐富𡁻落有嚼勁、咬開爆出鮮美肉汁
進店一秒穿越古代，門口擺放大張金碧輝煌嘅龍椅，每組枱setting仿傚客棧格局，我哋幻想自己係江湖大俠、喺度歇腳打返個靚邊邊先繼續趕路！
餐廳嘅職員都幾有禮貌亦都幫忙點菜、有位姐姐會幫手烚下肉撈醬等手勢好掂。醬介盤係個九宮格整潔又好睇，店員提議叫壺自製竹蔗茅根水清熱潤下喉、good idea
○《翻雲覆乳》香濃豆乳蜜瓜濃湯鍋
・呢個湯底自帶仙氣、最啱出片打卡呃心心！金龍鍋中央有大蜜瓜、上面用娃娃菜舖成花托、再放上三朵用濃豆乳湯冷凍成型的玫瑰花，鍋旁放咗龍躉片，一注入豆乳湯即刻噴煙，效果係好靚。之後店員會將蜜瓜切細件，湯滾起我哋立即𢳂碗嚟飲，確係清甜順滑、天時暑熱飲呢個唔腬，又有蜜瓜龍躉食、正
○大滾友牛肉拼盤(細)
▪︎頂級雪花肥牛
▪︎手切外裙肉
▪︎手切牛頸脊
▪︎牛黃喉
▪︎金錢展
▪︎牛舌
▪︎牛柳粒
・打邊爐非牛不可、有選擇困難症嘅我哋叫呢個拼盤啱喇，大包圍唔駛揀。一嚟到係威係勢，首先搶閘雪花肥牛，淥幾淥一放入口、啲油潤口感返晒嚟！而且佢嫩而不柴牛味足。牛柳粒直頭唔錯，油脂豐富𡁻落有嚼勁、咬開爆出鮮美肉汁！值得一提金錢展，口感脆彈帶甜、又爽又滑
牛黃喉係脆同爽口幾得意，整體牛肉質素有返咁上下
○蟶子皇
・4大隻烚出嚟都多肉食㗎，味道鮮甜爽脆、海鮮控嘅我愛si佢
○白鱔片
・相比脆肉鯇、我更愛白鱔嘅柔軟口感，油香豐嫩
○手打鵝肝墨汁墨魚丸
・中間釀入鵝肝嘅墨魚丸彈牙鮮味
○紫淮山
・紫山葯口感酥軟粉糯，有營養又好味
○薯粉
・打邊爐嘅精髓，落個薯粉煮幾煮索盡湯汁，撈埋自製醬料，啲粉入口煙韌滑一滑、好快跣晒入我㗎肚裡
張貼
