影片
更多
2022-04-18
1533 瀏覽
一連四日嘅復活節假就用大帽山之旅畫上句號😎 行完山一路順路走到川龍村，一嚐傳統中式茶樓🫖 師傅用大聲公叫賣出爐點心；食客自助搵位到執茶葉沖泡，鄉郊宜人，唔係食味道係食情懷😌拎點心都係自助型式，所以都唔係好清楚每碟點心嘅價錢🤣 叫左接近15-17碟，埋單$400，好多款都係一盅兩件，可以試到好多唔同款式👍🏻食物質素大致普通，必食嘅有《馬拉糕》同《川龍西洋菜》，平時唔食西洋菜嘅小編都大讚又甜又爽口又新鮮！而馬拉糕每層都夾有少許奶皇，又甜又軟糯🤤各款腸粉皮好厚又餡少，係幾滑但唔抵食；炸物好多放到涼左，不過好足料又有鹹香，例如蝦角、芋角👍🏻 包點正常無特別；蒸飯有豬油香，飯粒分明；比較災難級嘅係蒸蘿蔔糕出晒水，仲要得面頭蝦米數粒🦐 其餘都係糕🥲 另外甜品仲保留舊時茶樓嘅特色，會有把牙籤竹遮仔，真係好似返返細個嗰陣☺️整體而言行完山一定要順便黎川龍飲番個茶，好有風味👍🏻———————————————🏠環境舒適度：💛💛💛👅舔脷回頭度：💛💛💛📸打卡able度：💛💛💛💛💛🙇🏻♀️服務滿意度：💛💛💛———————————————
拎點心都係自助型式，所以都唔係好清楚每碟點心嘅價錢🤣 叫左接近15-17碟，埋單$400，好多款都係一盅兩件，可以試到好多唔同款式👍🏻
食物質素大致普通，必食嘅有《馬拉糕》同《川龍西洋菜》，平時唔食西洋菜嘅小編都大讚又甜又爽口又新鮮！
而馬拉糕每層都夾有少許奶皇，又甜又軟糯🤤
各款腸粉皮好厚又餡少，係幾滑但唔抵食；
炸物好多放到涼左，不過好足料又有鹹香，例如蝦角、芋角👍🏻 
包點正常無特別；
蒸飯有豬油香，飯粒分明；比較災難級嘅係蒸蘿蔔糕出晒水，仲要得面頭蝦米數粒🦐 其餘都係糕🥲 
另外甜品仲保留舊時茶樓嘅特色，會有把牙籤竹遮仔，真係好似返返細個嗰陣☺️整體而言行完山一定要順便黎川龍飲番個茶，好有風味👍🏻
———————————————
🏠環境舒適度：💛💛💛
👅舔脷回頭度：💛💛💛
📸打卡able度：💛💛💛💛💛
🙇🏻♀️服務滿意度：💛💛💛
———————————————
張貼
