影片
更多
2025-04-01
134 瀏覽
呢間日式鐵板燒小店距離北角地鐵站口1分鐘路程，好方便。餐廳裡面係木系裝修，大部分位置係圍住鐵板坐嘅，見到師傅烹調鐵板燒料理、調配醬料、擺盤嘅手藝。點咗一份二人套餐$1288，食材相當豐富，對得住呢個價錢。有北海道帶子、南非鮑魚、西澳龍蝦、牛肉／豚肉／雞扒任揀一款，仲送一板新鮮海膽。特點系每一道菜式都配咗自家制嘅醬料，喺其他地方比較少食到。❤️西式沙律羅馬生菜、新鮮車厘茄、粟米、柚子醬、芝麻調配成嘅開胃沙律。❤️蟹肉蒸蛋將松葉蟹腳搣成一絲絲放喺茶碗蒸上面， 加埋少少紫菜粉， 好鮮味，蒸蛋超級滑溜。❤️馬糞海膽送嘅海膽有四條，份量好足。海膽上面加咗淡雪鹽，仲有紫菜可以包住食。海膽睇落色澤好靚，每一條都好飽滿，水份十足，口感綿密，味道鮮甜。❤️半熟北海道帶子師傅用兩種醬汁加埋色彩繽紛嘅食用花做裝飾，擺盤好似法國餐咁靚。帶子大粒又厚肉，切開一半先點枝豆醬汁，味道清雅；另外一半點貝柱醬汁，味道較濃郁。兩種味道都混和鐵板燒嘅香氣。❤️南非鮑魚啱啱攞出嚟嘅鮑魚非常生猛，烹調之後肉質柔軟，本身帶有少少海水嘅鹹味，又加咗少少胡椒調味。最驚喜嘅係師父嘅自家制菜花醬，第一口好濃郁，慢慢又食到菜花嘅清新味，味道轉換效果
點咗一份二人套餐$1288，食材相當豐富，對得住呢個價錢。有北海道帶子、南非鮑魚、西澳龍蝦、牛肉／豚肉／雞扒任揀一款，仲送一板新鮮海膽。特點系每一道菜式都配咗自家制嘅醬料，喺其他地方比較少食到。
❤️西式沙律
羅馬生菜、新鮮車厘茄、粟米、柚子醬、芝麻調配成嘅開胃沙律。
❤️蟹肉蒸蛋
將松葉蟹腳搣成一絲絲放喺茶碗蒸上面， 加埋少少紫菜粉， 好鮮味，蒸蛋超級滑溜。
❤️馬糞海膽
送嘅海膽有四條，份量好足。海膽上面加咗淡雪鹽，仲有紫菜可以包住食。海膽睇落色澤好靚，每一條都好飽滿，水份十足，口感綿密，味道鮮甜。
❤️半熟北海道帶子
師傅用兩種醬汁加埋色彩繽紛嘅食用花做裝飾，擺盤好似法國餐咁靚。帶子大粒又厚肉，切開一半先點枝豆醬汁，味道清雅；另外一半點貝柱醬汁，味道較濃郁。兩種味道都混和鐵板燒嘅香氣。
❤️南非鮑魚
啱啱攞出嚟嘅鮑魚非常生猛，烹調之後肉質柔軟，本身帶有少少海水嘅鹹味，又加咗少少胡椒調味。最驚喜嘅係師父嘅自家制菜花醬，第一口好濃郁，慢慢又食到菜花嘅清新味，味道轉換效果好出色。
然後下面昆布嘅份量好多，食完鮑魚再食昆布，進一步提升成道菜嘅鮮味。
❤️西澳龍蝦
龍蝦肉真係好厚，連蝦頭部份都係肉，感覺好抵食。同平時食開嘅調味唔一樣，師傅冇加鹽同胡椒，而係用咗自己調配嘅法式龍蝦汁，用鐵板燒烹調過嘅龍蝦肉又比一般法國菜多咗少少焦香味，係一道好出色嘅西日料理。
❤️薄燒A5和牛
我覺得薄燒牛肉係每餐鐵板燒必食嘅。呢度嘅薄燒牛肉都做得好出色，牛肉嗌咗五成熟，蒜粒同香蔥嘅份量啱啱好，一上枱已經香氣撲鼻。今次師傅加咗新鮮茄子醬同藤椒醬，茄子醬口感奶滑，有淡淡天然甜味；藤椒醬入口好香，後面有少少辣，後勁凌厲。
❤️日本德島縣雞扒
平時牛肉同豚肉薄燒比較多，雞扒真係第一次見。呢個雞扒系用咗德島縣走地雞，雞肉好厚有嚼勁，雞皮燒得好香脆。師傅搭配咗有馬山椒醬汁，味道清香之餘又有少少嘅椒麻感，提升咗雞肉嘅味道層次。
❤️櫻花蝦炒飯
其實食完前面嘅海鮮同肉，已經好滿足。但櫻花蝦炒飯又炒得好靚，熱辣辣，金黃色，啲飯粒粒分明，不知不覺又成碗食曬，真係大滿足。
❤️開心果雪糕
飯後甜品系開心果雪糕。唔係普通嘅一舊雪糕，雪糕上層仲加咗nuts同埋櫻花味薄脆，口感豐富，感受到小店出品嘅誠意。為呢一餐畫上完美句號。
張貼
