Mojo Bistro

營業中

休息中

餐廳微黃的燈光，播放懷舊金曲，座位用上藤椅，有復古的feel ，外面座位闊落，約朋友慶祝同聚餐亦唔錯。法式鴨肝二重奏用長碟擺盤放上鴨肝二重奏，香煎鴨肝配蘋果醬同黑醋汁，酸甜味道配軟綿嘅鴨肝，食落冇膩嘅感覺。鴨肝焦糖燉蛋配多士，焦糖入口脆脆，鴨肝燉蛋味道香濃柔滑。加拿大豬鞍扒配蘋果醬香煎豬鞍厚身，肉質保持嫩滑有肉汁，配搭蘋果醬更覺開胃。龍蝦忌廉汁虎蝦扁意粉香煎虎蝦香口肉爽，龍蝦忌廉汁香濃，意粉鎖住龍蝦汁，更感美味。自家製提拉米蘇外層似寶石由一個糖脆包圍，好有儀式感嘅甜品，提拉米蘇咖啡味香濃，口感滑溜亦不會過甜。