鋿晶館

營業中

休息中

FD這一段時間喝中藥，只可以食清淡嘢，咁同佢飲茶啦。餐廳未到晚市高峰期，已經full咗7成，都好旺TIM。看介紹，哩間師傅之前在東京，專為明星同D高管服務，仲要有多年米芝蓮酒店同連鎖酒樓經驗，難怪自家制飲茶品牌開咗更多間餐廳。黑蒜螺片燉唐排，果然係用黑蒜煲制，湯底好黑，真係嚇到我同FD。湯用足料煲制，有排骨，螺片，黑蒜等數款配料。飲落湯底好甜，蒜味唔濃，好飲。脆皮炸乳鴿，乳鴿一份4件，皮脆肉嫩，肉質緊實。還搭配豉油同胡椒鹽，微微點埋會更加好味。五福臨門，一份點心有5款唔同口味，啱曬女仔。蝦餃皮薄餡大，大大隻鮮蝦有2-3隻，食落真係好鮮甜。欖角豉蒜蒸排骨，所有點心即叫即蒸，送上來仲熱笠笠。排骨肉嫩微甜，下麵仲鋪咗芋頭，芋頭粉糯香甜，好味。生滾粥，揀咗手打豬肉丸同菜苗。粥底綿密細滑，煲制時間足夠長，再加埋豬肉丸加菜苗，增加肉味同清甜味，粥飲落更加清甜。