반찬앤쿡 Banchan and Cook (太古城中心)

營業中

休息中

太古分店採用自助形式, 自己揀好位, 再出去買嘢食, 然後自己拎餐, 餐具同水都係自助形式。𓊈燉牛肋骨蛋包飯 $𝟷𝟼𝟸𓊉蛋包飯切開非常流心, 可以完全包裹整個飯, 牛肋骨肉好厚, 連埋少少筋位, 肉質好結實但唔會乾同靭。𓊈五花肉玫瑰燉飯 $𝟷𝟷𝟸𓊉五花肉嘅脂肪同肉嘅比例一半一半, 食落好juicy, 唔會覺得太肥, 好有口感, 燉飯好creamy, 上面仲有青醬可以拌均食, 感覺好fresh, 好好食!𓊈烤LA 骨 $𝟷𝟸𝟾𓊉LA 骨以燒汁醃製, 食落甜甜地好入味, 肉質軟腍, 好好食! 側邊嘅沙律菜好新鮮, 可以解油膩感。𓊈焦糖芝士蛋糕牛角包窩夫 $𝟿𝟻𓊉牛角包窩夫好酥脆, 上面有一層厚厚嘅芝士, 食落有少少似雪糕嘅質感, 連埋頂層嘅焦糖碎碎同cream一齊食, 味道豐富而且香濃。𓊈溶化朱古力 $𝟺𝟸𓊉朱古力味道好濃郁, 面層有少少朱古力碎碎, 裡面加咗cream, 口感好順滑, 好好飲!𓊈焦糖脆脆鮮奶咖啡 $𝟺𝟾𓊉咖啡味幾香濃, 面層有少少焦糖脆脆, 中間加咗鮮奶, 味道唔會太甜, 幾好飲。