影片
更多
2012-12-14
566 瀏覽
甚少踏足旺角的我，今日上完個 seminar 就去咗附近嘅朗豪坊行街。之前朋友幫襯過附近一間強記小廚，我同男朋友就決定去試下。由朗豪坊行到去甘霖街約10分鐘，未夠6：30已坐低喺卡位。好彩早一步，order 完已 full house.因為得兩個人，唔敢叫太多餸。第一味： 三文魚刺身。呢度唔係食日本菜，諗住個魚生都一般，但因為$28，仲平過三婆屋，所以就試試。點知有意外驚喜。。。。。。新鮮肥美第二味：泰式生蝦。大隻 n 鮮味。貨源一定要好靚，否則會有腥味。生蝦上有片蒜頭，感覺好健康同殺菌。抵食，值得推介！第三味：蒜蓉蒸大蟶子。略嫌太多蒜蓉，因會蓋過蟶子鮮味。第四味：椒鹽豆腐。平時都有食開呢味餸，但強記小廚真係俾到我驚喜。平時豆腐可能炸完會有啲硬，但呢個豆腐炸完都係軟綿綿。第五味：金稻牛柳粒。原本師傅話啲汁未 ready,幫我哋轉蔥爆牛柳粒，兩樣都未食過，所以我哋都冇乜所謂，但係金稻又好似特別啲。最後都係送上期待嘅金稻牛柳粒，yeah!乜嘢係金稻？喺我嘅形容詞下，金稻即係米通。脆脆我最喜愛，仲有矮瓜、菇、同牛柳粒。我鍾意呢個配搭！原本仲想食埋糖水，但實在太飽喇。 我仲想
因為得兩個人，唔敢叫太多餸。
第一味： 三文魚刺身。呢度唔係食日本菜，諗住個魚生都一般，但因為$28，仲平過三婆屋，所以就試試。點知有意外驚喜。。。。。。新鮮肥美
第二味：泰式生蝦。大隻 n 鮮味。貨源一定要好靚，否則會有腥味。生蝦上有片蒜頭，感覺好健康同殺菌。抵食，值得推介！
第三味：蒜蓉蒸大蟶子。略嫌太多蒜蓉，因會蓋過蟶子鮮味。
第四味：椒鹽豆腐。平時都有食開呢味餸，但強記小廚真係俾到我驚喜。平時豆腐可能炸完會有啲硬，但呢個豆腐炸完都係軟綿綿。
第五味：金稻牛柳粒。原本師傅話啲汁未 ready,幫我哋轉蔥爆牛柳粒，兩樣都未食過，所以我哋都冇乜所謂，但係金稻又好似特別啲。最後都係送上期待嘅金稻牛柳粒，yeah!乜嘢係金稻？喺我嘅形容詞下，金稻即係米通。脆脆我最喜愛，仲有矮瓜、菇、同牛柳粒。我鍾意呢個配搭！
原本仲想食埋糖水，但實在太飽喇。 我仲想試烏頭同鐵板牛河，下次一定要叫多幾個人嚟食。
Conclusion: 平靚正！
平 - 我地都係$250倒，已經捧住個肚走。
靚 - 材料新鮮、高質素。材料配搭+賣相都 good。
正 - 味道好，招呼週到。
我哋一啲都唔熟呢頭，呢條街又好似唔係太多食肆，但點解呢間強記小廚吸引不少食客呢？講真，如果唔係有人推介，我哋未必會行到去甘霖街，所以我相信強記小廚一定有佢個人之處。
張貼
