強記小廚

星期六晚上同朋友食飯，朋友指派“羊腩煲”為優先，網上睇po再見旺角，就發現咗呢間位於旺角核心外圍嘅小廚。網上訂枱，提早了廿分鐘入餐廳亦能被正常安排入座，成晚個場都有半場或以上入座率。環境屬於舊式小廚，尚算企理；餐種屬於大排檔品類，全場店員都算係有招呼、有禮貌。羊腩煲 $268: 份量約十多件，夠腍夠味，美中不足之處係好多件都連住大骨，佔咗個煲不少位置。配料包含冬荀、馬碲、枝竹、冬菇，另配一份唐生菜。作為本餐主角，整體屬正常水平。芝麻雞: 唔係經常見到嘅一款菜式，夠香。叫咗半隻，雞應軟嫰同乾柴嘅部位，並無因烹調方法而失去應有水準，配埋雪梨片解膩，算係本餐MVP。小炒王: 夠味、份量足，值得一試。…查看更多

我哋每月一聚嘅lady talk, 今次嚟到旺角強記，已經有一段時間冇嚟，之前因為轉咗廚房，出品差咗！近期聽講以前廚房返咗嚟，決定俾多次機會佢啦！今晚以大枱為主，7點到場細枱都已經坐咗幾張，到8點之後全場爆滿，星期五嘅人流算唔錯！今次叫咗半隻芝麻雞，上枱發現好細隻，朋友笑說有名你叫啦！🤣雞肉都嫩滑嘅！豆豉鯪魚油墨菜（少油版），咕嚕肉正常發揮唔錯好食，仲有一個喇沙小炒，幾特別有米通茄子粒，佐酒一流！可惜漏咗單要追單，一支啤酒埋啤每人$180。…查看更多

媽子生日，平時多數係去食西式鋸扒。但係冇乜心水，咁就帶佢哋嚟試吓小炒。驚冇芝麻雞，訂位嘅時候已經預留咗半隻。另外原來OpenRice訂位嘅話小菜有折扣優惠，呢個係店員主動話俾我哋知。先叫咗個小食爽滑魚皮，雖然個豉油就鹹咗少少，但係個處理得夠爽脆，呢個抵讚！跟住隻芝麻雞雖然我覺得佢可以炸得再脆啲，但係雞肉就已經好夠滑又夠嫩。另外個冰梅骨幾有懷舊feel因為佢用咗欖豉去整，平時喺屋企都會用嚟蒸排骨，佢咁樣炒埋落啲肉排，甜甜酸酸夏天食就冇咁膩。小炒王個份量都好大跌最鍾意佢有啲白飯魚乾，食落去脆卜卜。另外個脆米牛柳粒都相當有驚喜，一來口感特別牛肉夠腍杏鮑菇彈啦啲米炸過又脆口，所以個口感好特別。另外後加一個龍蝦伊麵，佢話可以加$30可以芝士焗。初頭以為佢係芝士兜亂，點知嚟到嘅時候個底依然係上湯底加玻璃芡。芝士嘅份量就少咗啲。少見呢個做法，不過食落去又冇咁乾，亦都冇咁滯。兩個老人家都食得開心。個龍蝦嘅話初頭以為佢會暴龍，點知嚟到似係青龍，食落去肉質彈牙，係幾有鮮味，呢個價錢我覺得性價比相當高。整體用餐，食物嚟講係相當滿意，不過樓底就矮咗啲，啲枱亦都坐得比較迫，所以隔離佢講嘢大聲少少都好認聲，不過呢啲就係舊式餐館嘅地道氣氛！…查看更多

食左好多年，之前轉左大廚，味到改变， 冇食一排， 聽聞大廚返返嚟，即刻再嚟幫襯燒牛仔骨一定要食， 而家收得嘢嘅 餐廳已經買少見少，收一點，收工幫襯都可以， 成餐飯好味有熱鬧， 仲好有人情❤️❤️…查看更多

 一月某天，天氣驟寒，正好吃個暖笠笠的羊腩煲，讓身體暖和暖和，舒服舒服。上網看看，見這間位於大角舊區的老店羊腩煲評價不俗，便在飲食網站先行訂檯。也許是天氣寒冷吧，這飯店的桌子早已被訂個一空，要非我早有訂檯，怕且便要吃閉門羹了。只是兩夫妻撐檯腳，吃不到太多東西，所以除了一心為它而來的「古法扣黑草羊腩煲」（$298）外，就只是點了店中十大必食推介之一的「強記小炒皇」（$98）做晚餐。這裡的「古法扣黑草羊腩煲」羊腩不少，配以冬菇、冬筍、枝竹等，加上另上的唐生菜，正是寒冷天氣的恩物。可惜這羊腩煲的羊腩扣得火候差了一點，未夠軟腍，即使皮肉俱備，骨不太多，而且蘸以腐乳醬之後也頗為惹味，仍然只算及格，但未算出色。幾乎是每間香港中菜小館必備的小炒皇其實每間小菜館的材料都是大同小異的，這間「強記小廚」也不例外，材料無非是韭菜、蝦乾、銀魚乾、腰果等物，與其他小菜館的出品並無多大分別，不過這兒的小炒皇勝在十分大碟，材料極多，而且味道亦鹹淡得宜，不會過濃或無味，確是水準之作。在天寒地凍的晚上，可以和愛人一起吃一頓暖身暖胃的晚餐，真好。…查看更多