強記小廚

營業中

休息中

今日約咗兩個朋友一齊嚟強記小廚食羊腩煲，我地都係第一次嚟呢間餐廳，食完我哋都一致覺得價錢合理，環境上如大排檔般咁熱熱鬧鬧，食物也有驚喜及非常好食我哋都一定會再黎！首先講吓個麻香爽魚皮最有驚喜嘅一味菜，估唔到佢嘅魚皮做得非常爽脆，而且亦大大塊，加埋薑蔥蔥同豉油一齊食，味道配搭得非常好，食食吓我幾乎食咗大半碟鍾意食爽魚皮嘅人一定要試然後要介紹今餐嘅主角羊腩煲羊腩煲一拎出嚟要啲時間煮滾佢，應該係預先整好然後雪咗入冰箱未嚟得切融晒雪。個煲滾起之後啲羊肉都好入味，數量都夠兩至三人食，而且有枝竹馬蹄筍等配料一起，整個煲份量夠，算係相當不錯了！蒜蓉燒生蠔呢個都大力推介，燒得好入味好好食愛吃蠔朋友必定要試！蒜香燒茄子正常發揮，蒜蓉同蔥混埋一齊燒，非常惹味好食送飯都一流強記小廚食後感很好，值得推介，可以一食再食

最近天氣轉冷，就好想去食個羊腩煲，男朋友search到呢間強記ge羊腩煲都多人讚，所以今晚就專登去食啦。因為睇其他食評話7點就開始full，所以我地6點幾就去到，坐低諗住即刻點個羊腩煲先啦，點知職員話羊腩煲停左好耐！無奈地出面落緊大雨，我地都費事再行泥行去，一於試下其他小菜啦。麻香爽魚皮先來一碟爽魚皮，魚皮偏厚身，入口非常爽脆，份量亦算多，$40大大碟好抵食！辣酒煮花螺辣酒辣度唔算好辣，個汁都幾惹味，花螺ge size偏大，入口就有點韌。欖角冰梅骨一粒星都唔想俾ge系列！望落以為大大舊，咬落去都去大部份都肥膏，咬到肉ge位又好鞋好韌！個汁又食唔出係咩味！煎蠔餅又係一粒星都唔想俾ge系列，眼見差不多每枱都有叫一碟，的確係大大碟，蠔仔份量都算多，但粉漿份量仲加多，油膩到好似食緊啖啖油咁！食完仲口渴左成晚！去到7點幾已經坐滿人，環境非常嘈吵，食完都覺得好頭痛。小菜價位算合理，可惜食物質素未如理想。