御膳

營業中

休息中

觀塘區啲工廈真係臥虎藏龍，喺OpenRice搵到呢間私房菜同屋企人食飯，每一道都好驚喜，海鮮同肉類都好高質，連荷葉飯都好食過人，我哋叫咗啤酒飲，老闆話餐廳免開瓶費叫我哋下次可以帶自己酒🤩金華玉樹雞係用金華火腿同芥蘭攝入雞肉中間，係功夫菜，出面已經好少見，佢雞肉好滑又帶火腿鹹香，送酒一流澳洲龍蝦叫咗用蒜蓉粉絲蒸，斬件上好方便食，彈牙又厚肉，仲好鮮甜當然唔少得佢哋嘅招牌脆皮玻璃乳鴿，只賣$78一隻，老細話呢排先做大特價諗住儲多啲，遲啲可能貴返，要食平嘢就趁早🤭仲有碟碧綠炒花枝，花枝片仲多過西蘭花幾足料啊，炒得乾身冇落好多調味，全靠花枝鹹鮮，唔錯