748
31
39
等級4
183
0
2019-04-29 501 瀏覽
第一次去工廈食私房菜,其實都驚驚地!但預約期間,御膳俾我感覺佢哋好細心,由餸菜到訂位都跟進得好好,令人非常放心 由於平日好少嚟觀塘,對我嚟講佢嘅位置有少少難搵,但跟住 openrice 入面嘅指示都OK嘅!工廈一般比較陰暗焗促,好彩店內環境佈置夠晒寛敞。我哋訂咗15位,御膳安排咗廂房俾我哋,房間內有充足嘅空調,電視機,獨立廁所 私隱度高,同一班同事朋友就唔怕被打擾,可以盡與啲開心啲 。餸菜方面只要訂位時同店員講人數同預算金額,御膳就會幫你定菜式,豐儉由人,是日菜式如下:香芒沙律大蝦球 - 香甜嘅芒果配爽脆嘅炸蝦,底下有新鮮水果沙律,頂層淋上香濃嘅鮮打芒果汁,一個非常好嘅開始。菊子魚 - 石斑魚起肉,切成菊花狀炸至香脆,配上柚子汁,味道清爽 花膠響螺煲雞湯 - 住家老火湯,湯底好濃,連湯渣雞肉都好似白切雞咁好食!大肉蟹4只 - 薑蔥炒,胡椒炒 - 肉蟹大大隻,肉質結實爽甜,其實點整都好食。個人偏愛胡椒炒蟹,胡椒嘅辛辣帶出蟹肉嘅鮮甜味!蒜蓉粉絲蒸特大蟶子皇 - 無敵嘅配搭,如果有白飯就一流喇!白胡椒爆炒南非鮑魚 - 白胡椒非常搶味,配淡味嘅鮑魚出奇地夾 ,鮑魚炒得剛剛好,鮮嫰彈牙!士多啤梨
更多
第一次去工廈食私房菜,其實都驚驚地!但預約期間,御膳俾我感覺佢哋好細心,由餸菜到訂位都跟進得好好,令人非常放心


由於平日好少嚟觀塘,對我嚟講佢嘅位置有少少難搵,但跟住 openrice 入面嘅指示都OK嘅!工廈一般比較陰暗焗促,好彩店內環境佈置夠晒寛敞。我哋訂咗15位,御膳安排咗廂房俾我哋,房間內有充足嘅空調,電視機,獨立廁所
私隱度高,同一班同事朋友就唔怕被打擾,可以盡與啲開心啲


餸菜方面只要訂位時同店員講人數同預算金額,御膳就會幫你定菜式,豐儉由人,是日菜式如下:

香芒沙律大蝦球 - 香甜嘅芒果配爽脆嘅炸蝦,底下有新鮮水果沙律,頂層淋上香濃嘅鮮打芒果汁,一個非常好嘅開始。

菊子魚 - 石斑魚起肉,切成菊花狀炸至香脆,配上柚子汁,味道清爽


花膠響螺煲雞湯 - 住家老火湯,湯底好濃,連湯渣雞肉都好似白切雞咁好食!

大肉蟹4只 - 薑蔥炒,胡椒炒 - 肉蟹大大隻,肉質結實爽甜,其實點整都好食。個人偏愛胡椒炒蟹,胡椒嘅辛辣帶出蟹肉嘅鮮甜味!

蒜蓉粉絲蒸特大蟶子皇 - 無敵嘅配搭,如果有
白飯就一流喇!


白胡椒爆炒南非鮑魚 - 白胡椒非常搶味,配淡味嘅鮑魚出奇地夾
,鮑魚炒得剛剛好,鮮嫰彈牙!

士多啤梨骨 - 其實同京都骨差唔多,冇乜士多啤梨味,但豬軟骨香脆,醬汁香甜,送飯一流!

炸子雞 - 有少少乾身,未夠皮脆肉嫰。

潮州鹵水鵝 - 超巨型鹵水鵝,鵝片好嫰,鵝件就食出香濃肉味,鹵水唔會好鹹,唔會蓋過鵝肉本身嘅味道,兩者平衡得好好!

上湯浸時菜 - 上湯浸雜菌白菜仔,為食肉獸清一清膽固醇。

御膳炒飯 - 絕對有15人份,炒飯粒粒分明,海鮮(蝦仁、鮮帶子仔)爽口,醬油唔鹹,大人細路都會啱食而且會愛上佢!

蟹油銀芽炒麵 - 似一般豉油王銀芽炒麵,蟹油味唔出(基本上食唔到),但都炒得好乾身爽口,大廚功架盡現!

另送:甜品 - 雲呢拿布丁 - 香滑嘅雲呢拿咖啡布丁,令人難以抗拒


Like & share 佢 Facebook 另送樽裝汽水一支

總數$7860

令人滿意嘅一餐,真係又飽又巧!

11 瀏覽
0 讚好
0 留言

10 瀏覽
0 讚好
0 留言

12 瀏覽
0 讚好
0 留言

7 瀏覽
0 讚好
0 留言

9 瀏覽
0 讚好
0 留言

7 瀏覽
0 讚好
0 留言

5 瀏覽
0 讚好
0 留言

5 瀏覽
0 讚好
0 留言

11 瀏覽
0 讚好
0 留言

6 瀏覽
0 讚好
0 留言

5 瀏覽
0 讚好
0 留言

5 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-04-26
用餐途徑
堂食
人均消費
$500 (晚餐)