影片
更多
2023-02-17
94 瀏覽
🍴Espuma📍中環威靈頓街2-8號威靈頓廣場M88 17樓 -----香港嘅西班牙餐廳唔算多，而講起西班牙餐廳首先會令我諗起嘅就係呢一間喺中環威靈頓廣場屹立多年嘅Espuma。咁多年嘅裝修唔算有太大嘅變化，但係依然稱得上係環境幾靚，暗黃嘅燈光，木製枱櫈，配搭少許中環金鐘半山夜景，加上大量嘅吊燈同特色鎢絲燈泡，令人猶如置身西班牙鄉村小酒吧，溫馨舒適，亦浪漫。🍖秘製招牌香脆咸豬手 （$268）燒得粉中帶紅嘅咸豬手，貌甚誘人。咬落係三層嘅口感。第一層係薄薄脆脆嘅豬皮，第二層係柔軟嘅脂肪層，第三層則是彈牙扎實嘅豬肉層。層次分明嘅三層，入口將酥香、脂香同豬肉鹹香融合為一體。同時配搭芥末醬、蘋果蓉及爽脆德式酸菜，味道就更為多元化，高質必叫之選。🍴蒜片欖油浸廣島蠔（$118）食物要好食，材料質素起碼佔咗一半嘅功勞。呢度嘅廣島蠔肥美飽滿，大隻亦無沙，入口鮮甜盡現，加上少許蒜香吊味同埋欖油增添滑度，已是能夠令人一食愛上。日式抹茶麻糬窩夫伴抹茶忌廉配雪糕 $108 (Half)麻糬窩夫一直係佢地嘅Signature甜品，外脆內軟嘅綿密窩夫，配合窩夫裏面嘅拉絲煙韌麻薯，仲有一球MÖVENPICK楓糖核桃雪
📍中環威靈頓街2-8號威靈頓廣場M88 17樓
-----
香港嘅西班牙餐廳唔算多，而講起西班牙餐廳首先會令我諗起嘅就係呢一間喺中環威靈頓廣場屹立多年嘅Espuma。
咁多年嘅裝修唔算有太大嘅變化，但係依然稱得上係環境幾靚，暗黃嘅燈光，木製枱櫈，配搭少許中環金鐘半山夜景，加上大量嘅吊燈同特色鎢絲燈泡，令人猶如置身西班牙鄉村小酒吧，溫馨舒適，亦浪漫。
🍖秘製招牌香脆咸豬手 （$268）
燒得粉中帶紅嘅咸豬手，貌甚誘人。咬落係三層嘅口感。第一層係薄薄脆脆嘅豬皮，第二層係柔軟嘅脂肪層，第三層則是彈牙扎實嘅豬肉層。層次分明嘅三層，入口將酥香、脂香同豬肉鹹香融合為一體。同時配搭芥末醬、蘋果蓉及爽脆德式酸菜，味道就更為多元化，高質必叫之選。
🍴蒜片欖油浸廣島蠔（$118）
食物要好食，材料質素起碼佔咗一半嘅功勞。呢度嘅廣島蠔肥美飽滿，大隻亦無沙，入口鮮甜盡現，加上少許蒜香吊味同埋欖油增添滑度，已是能夠令人一食愛上。
日式抹茶麻糬窩夫伴抹茶忌廉配雪糕 $108 (Half)
麻糬窩夫一直係佢地嘅Signature甜品，外脆內軟嘅綿密窩夫，配合窩夫裏面嘅拉絲煙韌麻薯，仲有一球MÖVENPICK楓糖核桃雪糕，所有配搭同比例都是平衡得那麼的恰到好處。
張貼
