阿三大牌檔

營業中

休息中

今日去咗位於大埔中心地段嘅阿三大排檔，話就話係大排檔，但同平時街邊大排檔唔同，算係新式大排檔，舖位入邊有冷氣，乾淨企理👍🏻。👉🏼沙拉蝦球去到大排檔一定要叫即炸野食試試個鑊氣😝，蝦球🍤外表麵粉炸得好香口鬆脆，入邊大大隻蝦咬落結實爽口，加埋沙律醬好惹味。👉🏼百合炒勝瓜勝瓜好爽，咬落索索聲，配埋雲耳一齊炒成個感覺好清新。👉🏼梅菜扣肉嚟到大排檔，又點少得梅菜扣肉呢味地道嘅港式餸菜。扣肉肥膏同埋瘦肉分明，唔會煮到爛晒食落口唔知道自己食緊肥定瘦，梅菜都好入味，如果配埋啤酒就一流啦。