更多
2024-07-26
133 瀏覽
今次嚟到元朗一間傳統嘅台灣小店,餐廳主打各類台灣傳統食物,由飯類、湯麵拌麵、小食、甚至甜品…今次試咗鹽酥雞粒滷肉飯、台灣香腸乾拌麵、牛湯青菜、台式芋圓刨冰,全都係台式特色食物。鹽酥雞粒滷肉飯鹽酥雞粒炸到外脆內軟,肉質嫩口,博博一層炸粉唔會太厚,啱啱好。而且味道方面,有味得黎唔會太濃,係幾好食嘅雞粒。滷肉飯滷肉份量夠多,而且有足夠嘅汁唔會令到佢乾爭爭,滷肉亦都唔會太肥太瘦,又咬口得嚟亦唔會太漏。兩樣加埋係個幾好嘅配搭。台灣香腸乾拌麵一個幾有特色有趣嘅菜式,用咗自家製台灣特色嘅麵條,同出面一般食嘅有少少唔同比較似刀削麵,但再冧身少少。配上佢特製嘅醬汁撈埋一齊係一個幾有趣嘅菜式。台式芋圓刨冰抵食嘅台式刨冰只係$59 +$38 就有熊仔布丁,而今日係特別既紫薯味,正常係開心果味。星期一至五下午茶時間仲有買一送一優惠。夏日炎炎,正好係食冰嘅好時間。佢個冰仲有牛奶味同黑糖味揀,今次揀咗黑糖味,佢都唔會太甜,再配埋大量嘅配料,大家不妨一試!!
今次試咗鹽酥雞粒滷肉飯、台灣香腸乾拌麵、牛湯青菜、台式芋圓刨冰,全都係台式特色食物。
鹽酥雞粒滷肉飯
鹽酥雞粒炸到外脆內軟,肉質嫩口,博博一層炸粉唔會太厚,啱啱好。而且味道方面,有味得黎唔會太濃,係幾好食嘅雞粒。滷肉飯滷肉份量夠多,而且有足夠嘅汁唔會令到佢乾爭爭,滷肉亦都唔會太肥太瘦,又咬口得嚟亦唔會太漏。兩樣加埋係個幾好嘅配搭。
台灣香腸乾拌麵
一個幾有特色有趣嘅菜式,用咗自家製台灣特色嘅麵條,同出面一般食嘅有少少唔同比較似刀削麵,但再冧身少少。配上佢特製嘅醬汁撈埋一齊係一個幾有趣嘅菜式。
台式芋圓刨冰
抵食嘅台式刨冰只係$59 +$38 就有熊仔布丁,而今日係特別既紫薯味,正常係開心果味。星期一至五下午茶時間仲有買一送一優惠。夏日炎炎,正好係食冰嘅好時間。佢個冰仲有牛奶味同黑糖味揀,今次揀咗黑糖味,佢都唔會太甜,再配埋大量嘅配料,大家不妨一試!!
張貼