九記牛腩

營業中

休息中

話說由唔知幾時開始, 九記的經理們一見到我, 自動自覺會送上一碗全肥腩河。不過, 點鍾意食都好, 都總有吃膩的時候。 上一次跟我同桌的人說:"佢地話爽腩賣曬喎..." 當時我也多咀說:"我都好耐冇吃過爽腩啦!" 當時是賣潮州月餅的時候。今日因為一些事情涉水至港島區, 辦過正經事後, "順道"也來止一止心癮。一坐下, 樓面經理就話:" 今日食爽腩啦!" "咁好?" 光頭經理又話:"剛剛賣完喎..." 結果樓面經理拿了一碗爽腩出來說:"剛說賣光了咪又拎到出來?" 原來是他們想有就有, 想冇就冇的......這客爽腩真的出無其右! 爽腩是有筋有膜有肉的位置, 這一碗有很多充滿膠質的邊位, 腩是煮的軟腍得來有咬口, 有濃得化不開的牛臊味, 瘦肉位都腍香不黏牙, 是很難吃到一碗完成度咁高的爽腩了!到九記我必叫一碗淨水, 因為我著實欣賞真材實料的牛骨湯。 大家不妨留意一下, 淨水的味道跟爽腩底的水是不同味道的~ 一樣的食材有著不同味道的演繹, 這就是飲食有趣之處!臨走時, 收銀經理說:" 食到爽腩, 你開心啦?" 我好開心! P.S. 今次的食評標題是經理們對我的稱號。