九記牛腩

平時九記成日要排隊，嗰日居然可以直入唔洗等，已經覺得自己幾好彩。原本諗住食米粉，點知嗰日冇米粉得河粉，就順勢點咗清湯牛腩河。湯清帶少少牛脂香，唔會好油膩，但味道偏淡啲，唔算特別有驚喜。牛腩燜到幾腍，咬落仲有少少纖維感，算有咬口，但同樣係走清淡路線。份量方面真係唔多，牛腩件數唔算多，以價錢嚟講偏貴少少，食完未至於話好唔滿意，但都唔會有「抵食到想再嚟」嗰種感覺。店內環境就典型舊式小店：枱同枱之間幾逼、轉枱好快，服務好快手直接，冇乜花巧，但都有佢自己味道。整體嚟講係「ok」一餐：唔難食、唔出事，但未至於令人念念不忘。對我嚟講，今次九記更多係打卡解鎖老字號，堅持朝聖過一次就夠，之後再嚟與否就隨緣啦。平時九記成日要排隊，嗰日竟然直入唔洗等。清湯牛腩河湯清帶牛脂香，牛腩腍但略嫌清淡，份量唔多、價錢又唔平，食完當打卡解鎖老字號就算。平時九記成日大排長龍，嗰日竟然直入唔洗等。冇米粉得河粉，就點咗清湯牛腩河，湯清帶少少牛脂香，牛腩腍但有咬口，整體ok，唔算特別驚喜。當打卡解鎖咗一間老字號。…查看更多

好幾年前，基本上每一個月都要嚟九記牛腩食返牛腩河。跟住因為公司已經唔喺上環而喺九龍，所以就由幾年冇嚟食。三日前約我先生嚟食九記牛腩，滿心歡喜地期待了三天。我同我先生各點了一碗牛腩伊麵，一碗牛腩米（其實我想食河粉的可惜河粉賣晒）。當我飲第一啖湯嘅時候，心諗，點解我屋企樓下嗰間麵檔嘅清湯仲好飲過佢嘅？再飲多兩啖，我唔知我飲緊啲乜嘢。。。米粉非常之硬，牛腩黐晒牙，短短一碗麵我用了三支牙籤來撩舌在牙罅的牛腩….非常失望。…查看更多

上湯牛腩河粉上湯真係靈魂所在！熬得濃郁又清澈，清甜唔會過咸牛腩切得大件，炖到腍滑入味，用筷子一夾就散，入口即化，河粉夠晒爽滑咖喱牛腩河粉咖喱汁超級濃郁，帶住少少椰香同辛辣👃！牛腩喺咖喱入面浸到夠晒入味，外層掛住咖喱汁，咬落去咖喱嘅濃香同牛肉嘅鮮味一齊爆發，惹味！河粉吸飽咖喱汁，滑潺潺咁，辣中帶甜…查看更多

去過四五次九記牛腩，服務態度大家都知一般㗎喇，份量又少，要食三碗先食得飽，貴少少，但係我耐唔耐都好掛住佢嘅咖哩牛腩伊麵，因為冇喺其他地方食到呢樣嘢，而且幾好食，所以雖然佢有唔少缺點，但係都會好耐嚟一次！…查看更多

九記牛腩—名過其實的食店真正體驗過後，才發現盛名之下，其實九記牛腩食物質素平平、環境衛生中下、服務態度令人咋舌，絕對是伏的一次用餐體驗。 牛腩韌有渣同鞋口有渣，湯底無乜特別作為一間主打牛腩的店舖，最核心的應該是肉質同湯底，但兩方面表現卻令人失望。 環境狹窄，枱面油膩，衛生情況有待改善座位擠迫，店內空間極窄，桌椅擺放密集，食客幾乎要膊頭貼膊頭進食，毫無舒適感可言。 服務態度極度有問題，員工極不耐煩，完全可以用差來形容，客人想看清楚餐牌再決定，但店員不耐煩既語氣及態度，彷彿客人多猶豫一秒都是罪過。 總結：名過於實，絕對不會再幫襯！建議：除非你想體驗佢啲員工獨特嘅服務態度，否則不建議幫襯…查看更多