影片
更多
2019-02-06
2526 瀏覽
係人都知做「餓底」是一件非常危險的事情，但係猴子冇得揀，因為老細已經揀咗食自助餐做團年飯。係人都知食自助餐一定要餓住個肚去食，否則一定蝕到入肉，導至荷包嚴重出血，後果十分嚴重。今次的餓底行動代號為「PLAYT」。為了完成任務，猴子早餐只吃了一細碗杯麵，吃午飯時千叮萬嚀服務員姐姐要「半飯」，確保胃部留有足夠空間執行今晚的任務。猴子七時半到達目的地後隨即進行踩線（探路）。現場大致分為海鮮刺身區、醃肉區、壽司區、沙律區、炸物區、辣味區、中餐區、甜品區等等，分工非常仔細，絕對是有組織的「飯聚集團」。由於食品眾多，要全部介紹恐怕要花三年又三年，所以猴子只介紹貴價或值得推介的「AA+」美食。首先要介紹的一定是生蠔，每人每次只限兩隻，可見其受歡迎程度。生蠔雖然鮮味，不過本身細隻肉唔多，鍾意食生蠔的朋友要走多幾轉先滿足。凍龍蝦亦係極受歡迎的食品之一，蝦肉雖然香甜，但猴子嫌肉質較韌又黐殼，而且同樣係偏細，一隻龍蝦冇幾多肉，又要走多幾轉。西班牙乳豬係猴子極力推介的「AA+」之選，連肥肉都薰烤到香噴噴，完全唔會有油膩感，香滑彈牙，極之惹味！海螺亦係值得推介，鮮味彈牙好咬口，而且猴子覺得「挖螺肉」這動作好玩兼
今次的餓底行動代號為「PLAYT」。為了完成任務，猴子早餐只吃了一細碗杯麵，吃午飯時千叮萬嚀服務員姐姐要「半飯」，確保胃部留有足夠空間執行今晚的任務。猴子七時半到達目的地後隨即進行踩線（探路）。現場大致分為海鮮刺身區、醃肉區、壽司區、沙律區、炸物區、辣味區、中餐區、甜品區等等，分工非常仔細，絕對是有組織的「飯聚集團」。
由於食品眾多，要全部介紹恐怕要花三年又三年，所以猴子只介紹貴價或值得推介的「AA+」美食。首先要介紹的一定是生蠔，每人每次只限兩隻，可見其受歡迎程度。生蠔雖然鮮味，不過本身細隻肉唔多，鍾意食生蠔的朋友要走多幾轉先滿足。
晚餐自助餐 (生蠔)
$630
179 瀏覽
0 讚好
0 留言
凍龍蝦亦係極受歡迎的食品之一，蝦肉雖然香甜，但猴子嫌肉質較韌又黐殼，而且同樣係偏細，一隻龍蝦冇幾多肉，又要走多幾轉。
晚餐自助餐 (凍龍蝦)
$630
105 瀏覽
0 讚好
0 留言
西班牙乳豬係猴子極力推介的「AA+」之選，連肥肉都薰烤到香噴噴，完全唔會有油膩感，香滑彈牙，極之惹味！
晚餐自助餐 (西班牙乳豬)
$630
90 瀏覽
1 讚好
0 留言
海螺亦係值得推介，鮮味彈牙好咬口，而且猴子覺得「挖螺肉」這動作好玩兼減壓。
晚餐自助餐 (海螺)
$630
124 瀏覽
0 讚好
0 留言
至於鵝肝呢種上等美食，同好多人一樣，猴子唔係好懂得欣賞，同行隊友中有人覺得好好食，但猴子覺得油膩感太強，食一隻已經好夠。
晚餐自助餐 (鵝肝)
$630
103 瀏覽
0 讚好
0 留言
食完主打美食後，要飲番碗燉花膠湯來「潄潄囗」。每盅都有隻大花膠，唔會呃秤，只係花膠唔夠黏口，食落冇「滑溜溜」的口感。
晚餐自助餐 (燉花膠湯)
$630
92 瀏覽
0 讚好
0 留言
飲啖湯再飲啖水，清清味蕾之後再試下明太子虎蝦壽司，飯黏蝦鮮加上明太子味道濃郁，確係好食，只是猴子「諗縮數」，唔想俾米飯霸佔個胃，所以只吃一碟。
晚餐自助餐 (明太子虎蝦壽司)
$630
70 瀏覽
0 讚好
0 留言
再試下火腿同谷巴火腿。火腿味濃，如果有麵包夾住食會平衡一點，至於谷巴火腿，感覺真係好似咬橡膠咁。
晚餐自助餐 (火腿及谷巴火腿)
$630
76 瀏覽
0 讚好
0 留言
每次食自助餐，中式點心從來都係排到最後先食，因為味道一定比唔上茶樓，循例試下牛肉燒賣同蝦餃，味道果然係一般，點心都係留番去飲茶先食。
晚餐自助餐 (牛肉燒賣及蝦餃)
$630
72 瀏覽
0 讚好
0 留言
甜品方面，木糠布甸同茅台雪糕係殺手級甜品，猴子的隊友當中，有人因為抵受唔住誘惑而吃了十杯木糠布甸同三杯茅台雪糕，對於需要注意體重的人來說簡直是惡夢！
晚餐自助餐 (木糠布甸)
$630
256 瀏覽
0 讚好
0 留言
終於順利完成任務，雖然行動開支全數由公司負責，不過隊員的「博命」程度同自己出錢冇任何分別。至於味道，以自助餐來說算係唔錯，餐廳考慮到成本，食材唔會係最上等貨色，而作為食客，講到尾都一定要食返夠本先抵得番條數。
題外話/補充資料：
行動當日係農曆新年假期前夕，收費比平日貴少少，不過用指定信用咭有八折優惠，埋單找數平均每位約HK$ 630。
(以上食評乃用戶個人意見 , 並不代表OpenRice之觀點。)
張貼
