PLAYT 咖啡廳

PLAYT 咖啡廳主打全天候自助餐，今次親身試過午市 buffet，真心覺得係一間「性價比高」又有誠意的酒店餐廳。一入場，唔使諗，直奔甜品區先！🍮🍫雪糕櫃係焦點之一，Moutai (茅台)、開心果、榴槤三款口味真係夠晒癲！茅台雪糕有淡淡酒香，唔會太濃，啱晒想試新嘢但又唔想醉；開心果香滑得嚟唔膩，榴槤就重口味 fans 至愛，香味勁爆，入口即化 🤤。仲有朱古力噴泉🍫、即製窩夫🧇、蛋糕🍰、布甸🍮，款式唔算誇張多，但每樣都見心思，唔係求其砌出嚟嗰種。🥗🍞🧀 食完甜品，返轉頭慢慢 explore 冷盤區。麵包款式唔少，外脆內軟，配埋火腿、芝士，簡簡單單已經好滿足 🥖🧀。沙律吧都唔錯，菜新鮮，醬汁唔會太 heavy，食落清爽 🥗。🦐🦪🍣 海鮮方面有蝦🦐、青口🦪、蜆、蟹腳🦀樣樣齊，全部冰鎮得宜，鮮味唔輸晚市。最驚喜係泰式生蝦刺身 🇹🇭，酸酸辣辣好醒胃 🌶️，蝦肉爽口唔腥，幾有特色。日式刺身🍣雖然唔算多款，但三文魚、吞拿魚都有，切得厚身，唔會一夾就散晒 👍。🍲🐓🥘 中式燉湯係我心水之一 🍲，當日飲到花膠雞腳湯 🐓，湯底清甜，材料足料，飲完真係有種「補返條筋」嘅感覺 💪。其他熱食就中西合璧，有燒肉🍖、焗薯🥔、意粉🍝，味道唔錯，唔會太鹹，啱晒唔想食得太 heavy 嘅人 🧘‍♀️。整體而言 勝價比高 值得試…查看更多

五一留港消費，好耐無食過自助餐，因為有人講起Playt呢到自助餐嘅水準依然維持到，而咁啱有個感恩母親節骨膠原美肌自助餐promotion主題，上網訂就有八折，一位都係六百幾，又有朋友訂位，就試下啦。最正係第一次見連自助餐都會有品牌做專題，位元堂特別呈獻嘅菜式有山藥紅棗螺頭燉翅骨湯、珍珠末瑤柱米湯浸斑片、珍珠末竹笙奶白魚湯浸魚片，珍珠末蟹肉炒鮮奶、椰子燕窩意式雪糕，珍珠末白朱古力蛋糕，全部骨膠原滿滿，同媽媽食一流。而5月10日及5月11日當日自助晚餐的每位更會有位元堂禮品一份，包括珍珠膠原美肌飲一枝及甘肅玫瑰花一樽，可惜早左食，是晚享受唔到呢個禮物。講番食物，唔失禮嘅海鮮，龍蝦同愛爾蘭生蠔唔少得，仲有大量嘅蟹腳、翡翠螺、龍蝦鉗等等，魚生種類都好多，有勁靚嘅帶子刺身、蝦、希靈魚、池魚等等，好耐無食過自助餐嘅我食得幾滿足。熱食都好多選擇，好多燒烤，不過燒海鮮多，而且係靚海鮮，唔係求其得啲燒蝦，仲有扇貝，幾靚嘅青口，燒雞，乳豬，牛扒，印度咖哩餅一應俱全，仲有最正任食鮑魚冬菇鵝掌，加上幾多出色的點心同中菜，講真，就唔算唔食生冷海鮮刺身都算夠。水果甜品種類唔算太多，但一定不要錯過茅台同榴槤雪糕，仲有拿破崙蛋糕，可能太耐無食自助餐，食到咁多質素唔錯又有得揀嘅自助餐係開心嘅，而且長假期見到好多本地人係香港消費，至少唔會覺得個刻夜市好絕望嘅，呢個絕對係一個幾好嘅母親節一家人食飯嘅選擇。…查看更多

之前趁特價，做緊買二送一嗰陣買，平均$589/人，已經包埋+1服務費呢間自助餐一般評價唔錯，雖然價錢唔係特別平，但一分錢一分貨，環境和食物質素都對得住這個價錢凍海鮮區提供兩款生蠔，長腳蟹和加拿大龍蝦，海鮮味道鮮甜新鮮，龍蝦多膏，唯獨生蠔每次限攞兩隻，唔算十分肥美，但蠔味夠，亦冇乜金屬味鴨肝煎得好香口，而且係厚切，令人食完再想食。其他熟食質素稍有參差，點心長期蒸住，雖然用料唔錯，但食物口感爭少少。另外韓式主題的食物，唔算太吸引。甜品方面，提供六至七款榴槤甜品，整體都是誠意之作，用料靚。…查看更多

周末去咗銅鑼灣柏寧酒店1樓嘅Plaza Café，就為咗呢個全新榴槤主題自助餐！呢度最近做緊推廣優惠，性價比超高。 先講重點「榴槤甜品區」，簡直係榴槤控嘅天堂！D24榴槤果肉落得超大方，爆漿榴槤泡芙咬落去嘅瞬間，內餡直接喺嘴裡炸開，濃郁果香夾住輕盈奶油，一啲都唔膩；榴槤布甸口感綿密，底層蛋香同上層榴槤味完美融合，甜度啱啱好；連芝士蛋糕都鋪咗厚厚一層榴槤泥，鹹香芝士中和咗果香，食多兩件都唔覺得有負擔，每款都值得拎兩輪！ 以呢個價位嚟講，海鮮區嘅水準完全超出預期。加拿大龍蝦新鮮彈牙，蘸啲特調蒜蓉醬超夠味；生蠔冰鎮得啱啱好，入口鮮甜冇腥味；蟹腳飽滿多肉，剝開後蘸上檸檬汁，海鮮嘅鮮甜直接頂滿。泰式生蝦都好驚喜，酸辣醬汁夠勁，完全打開味蕾，比唔少主打海鮮嘅自助餐仲要有誠意。 熱菜區更係藏住驚喜。即煎鴨肝火候啱啱好，外層微焦，內裡嫩滑，搭配香煎麵包片，一口落去油脂香爆棚；西班牙乳豬皮脆到「咔嚓」響，肉質軟嫩多汁，蘸上甜酸醬超解膩；安格斯牛扒要咗五分熟，粉嫩入味，肉香濃郁，完全唔似自助餐嘅水準。 千萬唔好錯過「隱藏款」！鮑魚鴨掌燉得超入味，鮑魚彈牙，鴨掌軟糯脫骨，膠原蛋白滿滿；白胡椒雞湯粉麵係意外之喜，雞湯鮮香帶啲胡椒辛香，食完海鮮同肉類嚟一碗，暖身又解膩，簡直係收尾神器。 總體嚟講，呢次體驗完全超出預期，$400+人均就能食到榴槤自由、海鮮盛宴同高水準熱菜。環境舒適，服務都好及時，換盤速度快，唔使擔心桌面亂糟糟。無論你係榴槤控定係鍾意食海鮮、肉食嘅朋友，都值得一試！…查看更多

食物環境地點一流，食物高質只可惜刺身女師傅態度惡劣Hea 客人對於顧客的詢問，懶懶閒同埋歪嘴，藐客今時今日的態度，堪稱教科書負面教材辜負了優質的刺身，亦拖累了整體的服務質素其他服務員的態度很好的…查看更多