PLAYT 咖啡廳

今年想同老公食自助餐慶生，每次經過這食店都見倒人山人海，相信品質一定唔差，所以打電話訂，若用滙豐信用卡簽帳可享8折，如果官網訂位更享 75折，我最後選擇了電話訂位，因為想坐窗邊和寫生日祝福牌。當日我們訂了 6.30pm，但早15分鐘到達，食店亦提早讓我們進入。我們安排坐窗邊位置景觀不錯，訂位時亦特別要求了。食店裝修比較前衞，以特別的牆紙和掛畫為主，大部份都是方形怡為主，枱與枱之間都算闊落。先出我走一趟看看有什麼食物提供：海鮮類：首先緊糸攞海鮮啦，我們一早行左海鮮檔所以唔使等太耐，有龍蝦(每次限取半隻)，蟹鉗，鱈蟹腳, 蝦，海螺，青口；龍蝦膏軟滑，蝦爽口，除了蟹腳比較鮮甜，其他海鮮都唔鮮甜，海螺通常會幾鮮甜但竟然令人失望。生蠔：每次提供即開生蠔2隻，肉質偏瘦，味道略淡欠鮮味。飲品：有2款自助飲料，荔枝茉莉茶和蜜桃水果茶，蜜桃水果茶清香易入口，荔枝茉莉茶味道較濃。燉湯：味道清甜，湯料有好多瘦肉，所以肉味濃郁。西班牙乳豬：這是今晚最欣賞菜式，外皮香脆不油膩，肉質嫩淋，沾些醬料可減油膩感，由於我是食肉獸，我一共 encore了3次。安格斯牛扒和小羊肩腿：牛扒肉質軟淋但畧嫌牛味不足，小羊肩腿口感硬而且欠羊騷味，我本身很喜歡食羊是因為牠有其獨特的味道，所以缺乏這味道不是太理想。燒乳鴿：調味剛剛好，外皮口感香脆不油膩，肉質嫩滑不肥膩，值得推介。大閘蟹：每位可享用2隻大閘蟹，蟹膏都算多但欠缺鮮甜味，另有蟹粉蒸豆腐，豆腐幼滑可口，飲杯薑茶可驅寒。甜品：飲埋甜品尚完美，楊支甘露酸甜美味，芒果味道夠甜，而焦糖燉蛋口感幼滑，味道不會過甜，雖然我唔糸甜品控，但都覺得值得encall。最後重頭戲就係老公生日cake，生日cake的朱古力裝飾都幾有心思，芝士蛋糕糸我至愛之一，味道豐富不會太甜膩。**對今晚食後感，無論食物質素和服務有落差，特別糸海鮮不夠鮮甜味，服務欠缺笑容，可取糸選擇種類夠多，但以這價位的自助餐就不是我預期。…查看更多

PLAYT 咖啡廳主打全天候自助餐，今次親身試過午市 buffet，真心覺得係一間「性價比高」又有誠意的酒店餐廳。一入場，唔使諗，直奔甜品區先！🍮🍫雪糕櫃係焦點之一，Moutai (茅台)、開心果、榴槤三款口味真係夠晒癲！茅台雪糕有淡淡酒香，唔會太濃，啱晒想試新嘢但又唔想醉；開心果香滑得嚟唔膩，榴槤就重口味 fans 至愛，香味勁爆，入口即化 🤤。仲有朱古力噴泉🍫、即製窩夫🧇、蛋糕🍰、布甸🍮，款式唔算誇張多，但每樣都見心思，唔係求其砌出嚟嗰種。🥗🍞🧀 食完甜品，返轉頭慢慢 explore 冷盤區。麵包款式唔少，外脆內軟，配埋火腿、芝士，簡簡單單已經好滿足 🥖🧀。沙律吧都唔錯，菜新鮮，醬汁唔會太 heavy，食落清爽 🥗。🦐🦪🍣 海鮮方面有蝦🦐、青口🦪、蜆、蟹腳🦀樣樣齊，全部冰鎮得宜，鮮味唔輸晚市。最驚喜係泰式生蝦刺身 🇹🇭，酸酸辣辣好醒胃 🌶️，蝦肉爽口唔腥，幾有特色。日式刺身🍣雖然唔算多款，但三文魚、吞拿魚都有，切得厚身，唔會一夾就散晒 👍。🍲🐓🥘 中式燉湯係我心水之一 🍲，當日飲到花膠雞腳湯 🐓，湯底清甜，材料足料，飲完真係有種「補返條筋」嘅感覺 💪。其他熱食就中西合璧，有燒肉🍖、焗薯🥔、意粉🍝，味道唔錯，唔會太鹹，啱晒唔想食得太 heavy 嘅人 🧘‍♀️。整體而言 勝價比高 值得試…查看更多

近來食自助餐都好少會想寫評價，但呢間係值得一讚！環境舒適，枱面夠擺又唔會同隔離太近。食品菜式唔算新穎但睇得出係有心機整。當晚嘅大閘蟹幾新鮮，仲有薑茶喺旁邊俾你驅寒。凍海鮮乾淨企理，有人分唔會亂晒龍。刺身都係自助餐常見種類，要讚油甘好肥美，但壽司姐姐態度欠佳，不過俾左腩位我，勁好食，無數！燒牛肉好耐無試過食到咁嫩，不過佢係近medium rare，所以怕生嘅可能要叫廚師切熟啲部位。印度咖哩牛腩非常有誠意，軟滑無渣又夠香辣，仲有印度師傅用Tandoor焗爐整naan，大家真係要俾面試下。甜品就唔算多，自家製雪糕幾有特色，茅台同士多啤梨柚子要試，榴蓮味都好適中，其他甜品就一般，有啲似Mr Steak貨色，但人地平過嗰幾間貴五星酒店窩，可能真係有budget concern，不能太苛刻。唯一想吐槽下就係個麵包區，擺正喺個風口位，吹到乾晒！平時我就最鍾意食呢啲冷門嘢，酒店有無heart就係睇呢啲，我見佢都有好多款，仲有黑麥，但擺喺個三煞位，真係暴斂天物，酒店麻煩攪攪佢，如果有埋個焗爐仔整返熱就更好。乳鴿又係，掛到凍晒，我老婆話熱嘅應該幾好食，呢啲人地大X喜放題都做到熱辣辣，酒店有心改善應該可以嘅，唔係就改做鵝肝多士呀，都多人鍾意食架！另外熱檸茶茶底太澀，都係水吧通病，浸得太耐，頂唔順去飲多口果茶，少甜易入口，無糖更出色。整體表現唔錯，大家不妨一試。…查看更多

最近想搵性價比高嘅自助餐，刷到銅鑼灣柏寧酒店1樓Plaza Café做緊推廣，仲係全新榴槤主題，即刻約埋朋友沖過去試！ 一入門就被榴槤甜品區吸引住，不愧係主題自助餐，D24榴槤用料超足！最愛個爆漿榴槤泡芙，外皮鬆軟，咬開嗰下榴槤餡料「噴」出嚟，果香超濃，完全唔會甜到漏；榴槤布甸入口即化，蛋香同榴槤味纏埋一齊，連平時唔太鍾意甜品嘅朋友都連食兩件；芝士蛋糕頂層嘅榴槤泥厚到肉眼可見，鹹甜交錯，口感好豐富，榴槤控真係會食到停唔到口！ 以為主題自助餐會忽略其他菜品？結果海鮮區直接打臉！加拿大龍蝦新鮮到彈牙，蒜蓉醬簡直係靈魂，蘸住食超過癮；生蠔個頭夠大，冰鎮後鮮甜多汁，冇半點腥味；蟹腳長到過手掌，慢慢剝開食肉，鮮味十足；泰式生蝦酸辣開胃，食完一隻又想再拎，海鮮控絕對滿意！ 熱菜區同樣有驚喜。即點即煎嘅鴨肝，外層微焦鎖住油脂，內裡嫩到好似豆腐，配埋脆麵包，一口落去超享受；西班牙乳豬皮脆到「咯咯」聲，肉質軟糯，蘸少少甜酸醬，完全唔覺得油膩；安格斯牛扒要咗七分熟，切開粉嫩，肉香濃郁，蘸黑椒汁正到喊！ 仲有兩款必試嘅「隱藏菜式」！鮑魚鴨掌燉得好夠火候，鮑魚彈牙，鴨掌一吮就脫骨，醬汁撈飯都得；白胡椒雞湯粉麵，雞湯熬得好濃，胡椒味溫和，食完一堆肉同海鮮，嚟一碗暖笠笠，超舒服！ 總體嚟講，呢次自助餐體驗好正！有主題甜品、高質海鮮同熱菜，仲有推廣優惠，人均$400+真係好抵。環境乾淨舒適，服務員換盤快，態度又好。無論係朋友聚會定家庭聚餐，都好適合過嚟試下！…查看更多

之前趁特價，做緊買二送一嗰陣買，平均$589/人，已經包埋+1服務費呢間自助餐一般評價唔錯，雖然價錢唔係特別平，但一分錢一分貨，環境和食物質素都對得住這個價錢凍海鮮區提供兩款生蠔，長腳蟹和加拿大龍蝦，海鮮味道鮮甜新鮮，龍蝦多膏，唯獨生蠔每次限攞兩隻，唔算十分肥美，但蠔味夠，亦冇乜金屬味鴨肝煎得好香口，而且係厚切，令人食完再想食。其他熟食質素稍有參差，點心長期蒸住，雖然用料唔錯，但食物口感爭少少。另外韓式主題的食物，唔算太吸引。甜品方面，提供六至七款榴槤甜品，整體都是誠意之作，用料靚。…查看更多