影片
更多
2024-08-03
280 瀏覽
之前睇過好多review話Kokoro麵館真係好好食，唔會令你失望。晏晝時段都仲有幾枱客喺度食，成個環境都畀人好relax嘅感覺，唔會有壓迫感。因為係第一次嚟，見到枱面有教學指南，就跟著介紹嘅食。聽專家嘅果然唔會錯！【正宗全料東京撈麵】問咗店員原味東京撈麵同全料東京撈麵有咩分別，一個係簡化版，一個係爆晒所有料都有嘅，第一次嚟佢特別推薦正宗全料嘅。其實我都冇諗過會畀咗兩種唔同嘅蛋，但撈勻咗之後配埋一齊，蛋味唔係特別重。紫菜都畀咗兩種，紫菜碎同紫菜片。人哋碗入面有嘅，我全部都有！【明太子忌廉撈麵】朋友本身係明太子醬嘅fans，特別難忘嘅係竟然畀咗滿滿嘅蟹籽😍一點都唔吝嗇！撈埋個麵，滿滿嘅明太子鹹鹹辣辣嘅美味仲有蟹籽嘅一粒粒爆喺嘴入面。我睇我平時食嘢食得好慢嘅朋友，都比我早食完咗。整體嚟講麵條好容易掛到湯汁，真係好正嗦麵。味道都唔會過淡，又唔會太濃郁，啱啱好。先食一啖原味，再加唔同嘅配料撈埋一齊，好似食緊好多唔同口味嘅麵😆其實我哋原本打算再要個小米飯嚟食，因為份量睇落唔大，但食完真係好飽，一點都食唔落。真係好可惜😭個飯撈埋淨返嘅醬汁一定好好味。唯有下次肚特別餓嘅時候再嚟過喇
晏晝時段都仲有幾枱客喺度食，成個環境都畀人好relax嘅感覺，唔會有壓迫感。因為係第一次嚟，見到枱面有教學指南，就跟著介紹嘅食。聽專家嘅果然唔會錯！
【正宗全料東京撈麵】
問咗店員原味東京撈麵同全料東京撈麵有咩分別，一個係簡化版，一個係爆晒所有料都有嘅，第一次嚟佢特別推薦正宗全料嘅。其實我都冇諗過會畀咗兩種唔同嘅蛋，但撈勻咗之後配埋一齊，蛋味唔係特別重。紫菜都畀咗兩種，紫菜碎同紫菜片。人哋碗入面有嘅，我全部都有！
【明太子忌廉撈麵】
朋友本身係明太子醬嘅fans，特別難忘嘅係竟然畀咗滿滿嘅蟹籽😍一點都唔吝嗇！撈埋個麵，滿滿嘅明太子鹹鹹辣辣嘅美味仲有蟹籽嘅一粒粒爆喺嘴入面。我睇我平時食嘢食得好慢嘅朋友，都比我早食完咗。
整體嚟講麵條好容易掛到湯汁，真係好正嗦麵。味道都唔會過淡，又唔會太濃郁，啱啱好。先食一啖原味，再加唔同嘅配料撈埋一齊，好似食緊好多唔同口味嘅麵😆
其實我哋原本打算再要個小米飯嚟食，因為份量睇落唔大，但食完真係好飽，一點都食唔落。真係好可惜😭個飯撈埋淨返嘅醬汁一定好好味。唯有下次肚特別餓嘅時候再嚟過喇
張貼
