影片
更多
2023-02-06
299 瀏覽
27/1/20234人行同一月壽星慶生去咗觀塘嘅‘淥鼎記’任食打邊爐選擇咗‘爵爺套餐’首先六款主菜揀一樣，由於朋友唔食辣嘅，所以揀咗椰子雞。成隻雞斬件上，雞肉質地不錯，就算淥耐咗都唔會鞋，啲雞肉幾滑。另外會上刺身，人頭計，有蝦、鮑魚、帶子、三文魚。跟住仲有四款前菜小食，鹽酥雞、拍青瓜、胡椒豬肚、白雲鳳爪。食完之後就揀打邊爐湯底，我哋要咗花膠美人鍋（入邊真係好多花膠/魚肚）跟住會上頂級牛肉（肉質不錯幾靚）、一盤海鮮：有蝦、墨魚仔、珊瑚蚌、蜆、聖子、鮑魚（海鮮都算新鮮）。以上食物就係食一轉嘅，之後就QR code 可以揀任食嘅食物，都有啲牛肉啊豬肉啊海鮮啊丸啊嗰啲⋯⋯⋯同時亦都可以出去拎唔同嘅菜啊丸呀果類。出邊仲係可以任拎飲品，除咗汽水之外仲有啲自家茶， 我飲咗茉莉茶同埋竹蔗茅根，都唔錯㗎，可能因為佢唔算太甜，所以食到中途好多都俾人攞晒，反而汽水嗰啲就仲有大把喺度🤪🤪雪糕係Häagen-Dazs，人頭嘅一杯。$368（另加一），冇時間限制，我哋6:30食到9:30pm. 觀塘呢間職員非常之好，解釋得十分清楚（最搞笑係，我哋選擇椰子雞嘅時候，個阿姐好似好失望咁話，我哋呢度個個都叫重口味嘅六選
4人行同一月壽星慶生
去咗觀塘嘅‘淥鼎記’任食打邊爐
選擇咗‘爵爺套餐’
首先六款主菜揀一樣，由於朋友唔食辣嘅，所以揀咗椰子雞。成隻雞斬件上，雞肉質地不錯，就算淥耐咗都唔會鞋，啲雞肉幾滑。另外會上刺身，人頭計，有蝦、鮑魚、帶子、三文魚。跟住仲有四款前菜小食，鹽酥雞、拍青瓜、胡椒豬肚、白雲鳳爪。食完之後就揀打邊爐湯底，我哋要咗花膠美人鍋（入邊真係好多花膠/魚肚）跟住會上頂級牛肉（肉質不錯幾靚）、一盤海鮮：有蝦、墨魚仔、珊瑚蚌、蜆、聖子、鮑魚（海鮮都算新鮮）。以上食物就係食一轉嘅，之後就QR code 可以揀任食嘅食物，都有啲牛肉啊豬肉啊海鮮啊丸啊嗰啲⋯⋯⋯同時亦都可以出去拎唔同嘅菜啊丸呀果類。出邊仲係可以任拎飲品，除咗汽水之外仲有啲自家茶， 我飲咗茉莉茶同埋竹蔗茅根，都唔錯㗎，可能因為佢唔算太甜，所以食到中途好多都俾人攞晒，反而汽水嗰啲就仲有大把喺度🤪🤪雪糕係Häagen-Dazs，人頭嘅一杯。
$368（另加一），冇時間限制，我哋6:30食到9:30pm. 觀塘呢間職員非常之好，解釋得十分清楚（最搞笑係，我哋選擇椰子雞嘅時候，個阿姐好似好失望咁話，我哋呢度個個都叫重口味嘅六選一㗎，通常都嗌酸菜魚啊、雞煲嗰啲，你哋居然嗌咁清嘅😂😂😂）、收嘢收得快。都算坐得舒服，不過地下就有少少跣🫣🫣
張貼
