影片
更多
2008-12-25
27 瀏覽
24-12-2008當大部分人都因為要「應節」, 自願「進貢」多幾舊水去西餐廳 / hotel buffet 食環境食氣氛兼同人迫餐懵, 我屋企就因為太鍾意食海鮮又太數口精 (?), 年年 Christmas Eve 一定去中菜館食海鮮, 真係反高潮 今年一行 5 人選擇布袋澳, 主要因為阿媽同事介紹呢間「抵食」, 而且連阿爸都從未駕車入過去, 當入去行0下啦:- 豉椒炒蟶子: 我0既至愛, 呢度的亦做得好食 -- 蟶子極爽脆鮮甜, 加埋辣辣0地的豉椒汁, 勁正!- 椒鹽瀨尿蝦: 椒鹽落得都幾重手0下, 味道鹹0左 d; 瀨尿蝦本身雖然無乜羔, 但夠晒肉地, 食落仍然鮮甜, 好食.- 清蒸鮑魚仔: 彈牙, 不過鮮味度一般, 有 d 擦膠 feel...- 清蒸羔蟹: 蒸得太耐了, d 羔係頂晒角, 但食落好硬好硬; 蟹肉就鮮甜又夠實, 都幾好食.- 蒜蓉粉絲蒸象拔蚌: 象拔蚌爽口鮮甜, 不過最好食當然又係 d 索滿蚌汁又沾滿蒜蓉的粉絲, 我好唔客氣地食了兩隻!- 白灼蝦: 要了中蝦, 肉質結實爽甜; 個頭就勁「黑」, 唔敢食, 可惜.- 仲有碟蒜蓉炒白菜仔: 油水夠,
當大部分人都因為要「應節」, 自願「進貢」多幾舊水去西餐廳 / hotel buffet 食環境食氣氛兼同人迫餐懵, 我屋企就因為太鍾意食海鮮又太數口精 (?), 年年 Christmas Eve 一定去中菜館食海鮮, 真係反高潮 今年一行 5 人選擇布袋澳, 主要因為阿媽同事介紹呢間「抵食」, 而且連阿爸都從未駕車入過去, 當入去行0下啦:
- 豉椒炒蟶子: 我0既至愛, 呢度的亦做得好食 -- 蟶子極爽脆鮮甜, 加埋辣辣0地的豉椒汁, 勁正!
- 椒鹽瀨尿蝦: 椒鹽落得都幾重手0下, 味道鹹0左 d; 瀨尿蝦本身雖然無乜羔, 但夠晒肉地, 食落仍然鮮甜, 好食.
- 清蒸鮑魚仔: 彈牙, 不過鮮味度一般, 有 d 擦膠 feel...
- 清蒸羔蟹: 蒸得太耐了, d 羔係頂晒角, 但食落好硬好硬; 蟹肉就鮮甜又夠實, 都幾好食.
- 蒜蓉粉絲蒸象拔蚌: 象拔蚌爽口鮮甜, 不過最好食當然又係 d 索滿蚌汁又沾滿蒜蓉的粉絲, 我好唔客氣地食了兩隻!
- 白灼蝦: 要了中蝦, 肉質結實爽甜; 個頭就勁「黑」, 唔敢食, 可惜.
- 仲有碟蒜蓉炒白菜仔: 油水夠, 炒得腍身, 0岩晒席上老人家.
食到樣樣都清碟, 其實都飽了 80%, 但見 $7 碗「根記糖水」款式幾對口味, 又每人一碗試試.
我揀了白果腐竹, 腐竹煲到溶晒, 賣相如豆漿, 配上粉粉軟軟的白果及煙煙韌韌的薏米, 又香又滑, 而且甜度剛好, 正! 呢度的做得不比九龍城地茂館 (http://www.openrice.com/restaurant/photos.htm?shopid=3565&photoid=91253) 差, 值得試0下!
另外仲叫了椰汁西米露, 蕃薯糖水及雪耳燉木瓜, 唔知好唔好食?
環境帶點地 mou, 比想像中乾淨, 雖然陰風陣陣, 但坐0係帳篷下又唔會覺得太凍, 好舒服; 阿姐阿叔們有求必應, 招呼 ok.
埋單每人約 $270, 比想像中貴, 但比呢度 (http://www.openrice.com/restaurant/commentdetail.htm?commentid=1868456) 好食好多, 都可以接受的. 下次 (Christmas Eve 2009?) 0黎的話, 會試砵酒蠔, 上湯焗龍蝦, 油鹽水大白蜆, 豉油皇煎花竹蝦... etc etc.
張貼
