影片
更多
2016-09-20
372 瀏覽
難得星期日，行街+搵食是常識。未出發，先醫肚，第一站先到尖沙咀填飽個肚，補充體力再行街。行經尖沙咀既其中一條食街，大量餐廳可供選擇。揀左一間餐廳位於大廈19樓，環境唔錯，落地玻璃可以望到維港風景。好鐘意有自然光透入餐廳，夠光猛，同時比我舒服relax既感覺。雖然係星期日但餐廳好快已經full左，唔想搏，唔想walk in無位，記得先預約。餐廳以Eddy Chu掛名，但Eddy Chu我真係唔識。不過我見餐廳咁full，相信有客人係慕名而來，所以今日等我透過呢餐認識下Eddy Chu。餐牌係set menu，星期日都有lunch set，價錢由百幾蚊起。每位最低消費$128，價錢都幾親民。海鮮併盤 +$48叫左兩個lunch set，另外可以加$48要海鮮併盤。以$48嚟講，呢個併盤都幾值得加。裡面有，生蠔，鮑魚，日本刺身帶子，鮮蝦，聖子刺身，真係算幾多野食。重點當然放係鮑魚，都幾大隻，而且爽口，沒有韌既感覺。日本帶子同樣大粒，啖啖肉。生蠔，鮮蝦，聖子同樣新鮮。日式青瓜蟹子沙律日式沙津前菜清怡開胃，又唔會太飽肚。是日精選餐湯 (黑松露蘑菇湯)今日有既餐湯係黑松露蘑菇湯。粒粒既蘑菇從湯既表
未出發，先醫肚，第一站先到尖沙咀填飽個肚，補充體力再行街。
行經尖沙咀既其中一條食街，大量餐廳可供選擇。
揀左一間餐廳位於大廈19樓，環境唔錯，落地玻璃可以望到維港風景。好鐘意有自然光透入餐廳，夠光猛，同時比我舒服relax既感覺。雖然係星期日但餐廳好快已經full左，唔想搏，唔想walk in無位，記得先預約。
餐廳以Eddy Chu掛名，但Eddy Chu我真係唔識。不過我見餐廳咁full，相信有客人係慕名而來，所以今日等我透過呢餐認識下Eddy Chu。
餐牌係set menu，星期日都有lunch set，價錢由百幾蚊起。每位最低消費$128，價錢都幾親民。
海鮮併盤
$48
10 瀏覽
0 讚好
0 留言
海鮮併盤
$48
6 瀏覽
0 讚好
0 留言
叫左兩個lunch set，另外可以加$48要海鮮併盤。以$48嚟講，呢個併盤都幾值得加。裡面有，生蠔，鮑魚，日本刺身帶子，鮮蝦，聖子刺身，真係算幾多野食。重點當然放係鮑魚，都幾大隻，而且爽口，沒有韌既感覺。日本帶子同樣大粒，啖啖肉。生蠔，鮮蝦，聖子同樣新鮮。
日式青瓜蟹子沙律
7 瀏覽
0 讚好
0 留言
日式沙津前菜清怡開胃，又唔會太飽肚。
黑松露蘑菇湯
5 瀏覽
0 讚好
0 留言
是日精選餐湯 (黑松露蘑菇湯)今日有既餐湯係黑松露蘑菇湯。粒粒既蘑菇從湯既表面已經清晰可見，上枱已經可以聞到濃濃的蘑菇及黑松露味，蘑菇湯既濃度恰到好處，湯入口仲會有粒粒蘑菇蓉。另外仲有新鮮熱辣既餐包配湯。
美國牛肉眼
$168
8 瀏覽
0 讚好
0 留言
美國牛肉眼
$168
5 瀏覽
0 讚好
0 留言
揀左medium，牛肉腍身一切就開。肉眼入口好嫩，有肉汁，仲可揀飯，意粉或者薯菜。最後揀左薯菜，有驚菜。比較少有用上紫薯，夠特別。食落軟淋淋，又唔會太甜。
香焗智利深海鱸魚柳配鮮蜆汁
$168
7 瀏覽
0 讚好
0 留言
香焗智利深海鱸魚柳配鮮蜆汁
$168
6 瀏覽
0 讚好
0 留言
深海鱸魚大件多肉，而且魚肉同魚皮腍身，加上檸檬汁，非常開胃。配上既鮮蜆汁仲以為只係醬汁，原來係大蜆製成既蜆汁。大蜆好大隻，比起一般食既大一個碼，而且蜆汁香濃。一樣可以揀飯，意粉或者薯菜。
藍苺芝士餅
1 瀏覽
0 讚好
0 留言
芝士餅入口軟滑帶微微藍苺味，味道唔會太濃。而餅底由消化餅製成，令到芝士餅有咬口。
其實本身都係諗住中午搵個地方醫肚再行街，估唔到今日午餐已經咁有驚喜。
今日，我真係要記住Eddy Chu呢個名。
張貼
