粗菜館

營業中

休息中

九龍城知名老牌飯店，價錢中等，想食八九十年代口味嘅小炒，就要去哩到。鋪面細細，但好光猛，個感覺都好舊式，特別有味道。微辣密汁炒蟶子個汁真係得微微辣，所以食唔到辣一樣可以叫，有埋青椒同洋蔥爆炒，好惹味，個密汁有啲似豉油，但又無咁咸，個汁送飯都好好味。蔡瀾鹹魚醬蒸豆腐餐牌上寫推薦，就叫嚟試下。個鹹魚醬系幾特別，配上清淡，滑溜既豆腐岩岩好，又唔會太重口味。豉油王鵝腸鵝腸煮到岩岩好，爽口彈牙，配埋蔥，薑絲，芫茜，辣椒，韮王，芽菜撈埋一齊食，每種配菜都有獨特既香味同質感，好有層次，又好香口。