力寶軒

營業中

休息中

喺金鐘力寶軒，下午約咗朋友去食點心。原來除咗點心，下晝呢度都有潮州菜。我哋叫咗幾款點心再加啲小食。好耐冇食鴨舌，見到呢度有花雕醉鴨舌😍 鴨舌充滿花雕味，口感爽口，係唔錯嘅小食。另外，紅油炒手大大粒再配上香辣嘅紅油，辣辣地好惹味！蒸蝦餃皇每籠有4件，蝦餃皇大隻爽口，幾好食😋接著係灌湯小籠包，每籠有3件，估唔到都唔錯。內裏灌滿咗濃郁嘅湯汁，不錯👍🏻 沙嗲蒸土魷，土魷鮮嫩有彈性，配上香辣嘅沙嗲醬汁，夠哂味。最後，叫咗潮州粥，蠔仔比一般大隻配同肉碎，充滿潮州風味。