秋田鐵板燒刺身專門店

營業中

休息中

秋田依個品牌喺天文台圍已經有好多年歷史，除咗鐵板燒，仲有浜燒，刺身壽司店，另外灣仔都有分店，今晚我哋去咗佢嘅鐵板燒店，叫左個$888/位嘅套餐😍季節沙律沙律精緻冇乜多餘水份，配咗超甜迷你蕃茄🍅鮮活時令龍蝦🦞龍蝦開邊香煎，蝦頭蝦膏煮汁，味道濃郁。廚師會喺煮龍蝦嘅時候表演打卡必備火焰龍蝦頭。季節時令海鮮鐵板清酒煮貴妃蚌，貴妃蚌切絲放上湯清酒喺蚌殼入面煮熟，再由火槍收乾水，非常爽甜😍原隻鮮活南非鮑魚鮑魚煎香切片再配埋忌廉白汁昆布煮，超夾，爽嫩好味😋魚籽鵝肝蒸蛋非常矜貴嘅食材，蒸蛋吸收晒魚籽同鵝肝嘅香味，好好食😋香煎頂級鵝肝煎香咗嘅厚切鵝肝配有魚子醬同金箔，同埋用蒜蓉牛油煎香嘅多士配搭一齊，仲有意大利陳醋煎香嘅新鮮甜菠蘿，食落好香口唔會油膩🤩龍蝦清湯龍蝦豆腐麵豉湯，清甜滋味鹿兒島雙降和牛厚燒＆薄燒卷和牛五成熟，入口即溶，配鹹話梅乾及乾蒜片，刺激味蕾，更加美味😍秋田炒飯招牌炒飯有和牛，櫻花蝦，蘿蔔絲，香蔥，粒粒包住蛋漿嘅金黃色炒飯，正！炒野菜野菌炒雜菜配埋炒飯一齊食，非常滿足😋精選甜品現場即煎銅鑼燒同埋芝麻雪糕，綠茶雪糕另外飲咗蘋果梳打同埋麒麟啤酒，加埋師傅全程嘅烹調表演，色香味超級滿足🥳評分：