華香雞 (已結業)

港式燒味係好多打工仔嘅放飯必食之選，貪佢夠快靚正，今次就推介多個選擇俾灣仔返工嘅上班族啦！華香雞絕對係我近排食過性價比最高嘅燒味店，套餐選擇多份量多，仲要有湯有菜有小食，糧尾恩物！一人豪華套餐（配雞腎 雞湯白菜）四寶雞飯（配滷腩片 滷豬耳）老字號做法果然係唔同啲，鳥龍茶香雞用秘製醬油同烏龍茶煙燻製成，茶香燻味好濃郁；招牌華香雞，以秘製招牌白油水浸製，雞味濃郁，鹹香味俱全，肉質絕不柴身！滷肉入味得嚟唔會苦澀，五花腩肥瘦相間，豬耳彈牙，仲有男朋友最愛嘅雞腎同樣係爽口唔腥，我哋另加咗滷蛋都係咁滋味，食完真係飽到捧住個肚走！