好到底水餃雲吞麵

營業中

休息中

元朗好到底呢間老字號店，最近發現開左一間新分店，呢間除左麵出名之外，佢啲水餃同雲吞都一樣出名！蝦子撈麵 $66一上枱已經聞到好香蝦子味，啲麵夠乾爽，有咬口，撈麵仲會配一碗湯。水餃湯麵 $50呢度既水餃同出面既包法有啲吾同，佢包成三角形，入面仲有隻蝦同雲耳，咬落去好有爽口感。湯麵既麵質比撈麵更爽口彈牙。淨雲吞 $27雲吞同樣有蝦，不過無加雲耳，所以爽口度無水餃咁多。炸雲吞 $22炸雲呑夠哂脆，入面有蝦肉同少少豬肉。牛腩 $55牛腩好夠淋同入味。炸鯪魚球 $44炸鯪魚球油多左啲，不過勝在夠大粒。