鄧記川菜

營業中

休息中

前身為蜀客，而家改左名嘅鄧記川菜，平日夜晚到來都有唔少人，今次我哋2個人被安排咗坐高身枱，食中菜黎講比較唔方便，但呢度嘅裝修分成2邊，有中菜設計之餘另一邊都有啲西式fushion元素。醬香桃仁：食落甜甜地，醬香濃郁，夠晒脆口，作為前菜嚟講真係好出色，越食越肚餓。最怕食到啲合桃帶益味，但呢度就冇，仲好香脆、新鮮！煳辣牛肉：大量芽菜墊底，配埋少少麻，多多甜嘅醬汁，令牛肉嘅味道豐富咗唔少，送飯正！小米粥泡桂花魚片，食落其實似魚片粥，但呢度嘅米粒更綿滑細膩，而且用上新鮮桂花魚片同薑絲製成，味道夠鮮又濃郁。重頭戲老壇子大閘蟹係鄧華東師傅自創的菜式，食落味道酸酸地帶小辣，因為用咗大量酸菜同泡菜汁，再加鴨血，味道好夾。大閘蟹都算多膏大隻，第一次嘗試酸菜配大閘蟹，感覺到幾新穎。