上海弄堂菜肉餛飩 (歌賦街)

營業中

休息中

嚟到中環搵嘢食中上環一帶好多特色小店一帶嘅歌賦街就有依間上海菜。入到去舖頭嘅燈光比較暗裝修方面有一啲到上海嘅相片同埋岳飛滿江紅嘅字帖屏風。我同朋友叫咗薺菜雲吞同埋西洋菜雲吞，另外升級左做燉湯湯底。食物賣相唔錯，而且都幾夠熱。燉湯飲都幾濃嘅蟲草花味，但係就冇乜雞湯嘅味，比較一般。雲吞味道就唔錯，食到西洋菜嘅香味，薺菜雲吞就比較鹹。大大粒，都算皮薄餡靚。另外叫咗小籠包，份量同埋價錢都都非常合理，食落熱辣辣，入邊仲有啲湯，相當唔錯。另外叫咗個上海粗湯麵，湯底幾濃，仲有啲肉片，感覺就好似上海粗炒嘅湯麵版。個人認為最好食嘅就係個豆沙鍋餅，煎得又香又脆，入邊仲有好多豆沙餡添。