THE DIAMOND RESTAURANT

營業中

休息中

寶石餐廳未翻新前已經很喜歡食，有太多經典鐵板牛扒及焗飯仲有佢嘅啫喱杯同芒果布甸，而再見佢已經係上年11月嘅事，開頭都好擔心味道或服務質素會差咗，但完全係唔需要擔心。兩回我都是食午市套餐，比較抵食：🥄 招牌雙重芝土安格斯牛肉漢堡伴薯條不遜於漢堡專門店，當然不像是手打牛肉，但漢堡肉質不錯，薯條亦很好吃！🥄 經典芝士肉醬意大利麵好食，不咸，比較甜那款肉醬意。🥄 吉列芝士豬柳日式咖喱意大利飯日式甜咖喱，芝士豬柳係留心芝士嚟嘅，一切畫出的芝士汁感覺好正，配上意大利飯，一流！🥄 碳烤慢煮美國IBP豬肉眼扒伴燴薯菜肉質嫩口，外面脆香內裏肉質鮮嫩，配上燒烤汁很好正。飲品可以自選茶或者咖啡或者升級飲佢嘅即磨咖啡系列，我試過也很好。冇諗過一間經典餐廳可以改變成一間咁出色好味嘅西餐廳，怪不得幫襯嘅人依然籠絡不絕。下次一定要食吓佢嘅Tiramisu甜品，聞說係一個王牌來。