龍亭

之前聽同事介紹呢間位於佐敦嘅龍亭好適合慶祝生日，今日適逢好姊妹嘅生日，一於帶佢嚟試吓啦😍呢間餐廳位置好方便，位於寧波街，門口有個好大好sharp嘅招牌，好易搵到架！ 🤎前菜沙津沙律菜好新鮮好fresh，仲有我最鍾意嘅羽衣甘藍同新鮮菠蘿 😍配埋黑醋入口好清新，食完真係好開胃。🤎鐵板海鮮兩品海鮮都有好幾款可以揀，咁我就揀咗我最鍾意食嘅扇貝同大蝦，扇貝以黑松露同牛油做調味，帶出佢嘅鮮味同獨特嘅香氣，好好食😋 大蝦好新鮮，爽口彈牙，配埋蝦膏醬係好夾。另外配有店家特製嘅碟豆花泡沫，主要可以帶出海鮮嘅咸味同鮮味，好特別！🤎鐵板肉類一品肉類分別有豬肉/牛肉/雞肉可以揀，今次揀咗豬肉因為店員話啲豬肉係來自日本嘅宮城縣，份量係厚切都好大塊，另外配有特製嘅蒜蓉牛油汁同菠蘿汁，兩種汁都好好味😋兩款我都好鍾意！🤎炒飯炒飯係海膽炒飯，份量好大碗，飯粒粒粒分明，食完都好飽！🤎甜品至於甜品我就揀咗檸檬檸檬雪芭，因為食完呢幾款已經好飽，所以想食個清新啲開胃嘅甜品！檸檬雪芭酸酸甜甜，食完好解膩😍