影片
更多
2022-07-07
2210 瀏覽
自從「中環街市」被活化之後，真喺令呢座歷史建築物帶嚟180°轉變，再者，內裡開咗好多特色小店、餐廳，又搞吓展覽，真喺帶動多咗好多人流。講到食，地下層更僻作美食廣場，晌中環，美食廣場真喺唔多，而呢個「中環食坊」搞得唔錯。美食廣場內有10間店鋪，兜咗個睇睇，就想試試星馬嘢，因為，印象中都好一段時間無食過，而小弟本身都幾鍾意星馬菜。故此，就兜到過嚟近「德輔道中」呢邊入口，主打新加坡菜嘅「蒲羅」（Pulau）晌佢鋪面對住仲有多張餐枱，咁就更加方便。其實，整個美食廣場仲有好多位，室內、室外都有，而一堆室外位仲設定成一個庭園，猶如城中綠洲，感覺幾唔錯，不過，一來費事捧住啲食物搬嚟搬去，二來天氣有點悶熱，都喺涼吓冷氣舒服啲。晚市嘅選擇就一張列表睇晒，上截喺主食，下截喺輕食，全部都喺散點，很可惜無啲加配優惠嘅選項，店家主要供應食物，如想飲嘢就要去另外啲鋪頭買喇。為方便客人，場內亦提供冷熱飲用水，而旁邊仲有部自動洗手機，又幾好喎。除晌櫃位落單，亦可以利用二維碼落單，更方便快捷。娘惹茶燻鴨配雞油香飯及蘇東魚丸雞湯 $82平常食星馬嘢，主要都喺海南雞飯、喇沙米線、肉骨茶，今次就專登揀啲未試過嘅。老友揀嘅茶燻
美食廣場內有10間店鋪，兜咗個睇睇，就想試試星馬嘢，因為，印象中都好一段時間無食過，而小弟本身都幾鍾意星馬菜。
故此，就兜到過嚟近「德輔道中」呢邊入口，主打新加坡菜嘅「蒲羅」（Pulau）晌佢鋪面對住仲有多張餐枱，咁就更加方便。
其實，整個美食廣場仲有好多位，室內、室外都有，而一堆室外位仲設定成一個庭園，猶如城中綠洲，感覺幾唔錯，不過，一來費事捧住啲食物搬嚟搬去，二來天氣有點悶熱，都喺涼吓冷氣舒服啲。
晚市嘅選擇就一張列表睇晒，上截喺主食，下截喺輕食，全部都喺散點，很可惜無啲加配優惠嘅選項，店家主要供應食物，如想飲嘢就要去另外啲鋪頭買喇。
為方便客人，場內亦提供冷熱飲用水，而旁邊仲有部自動洗手機，又幾好喎。
除晌櫃位落單，亦可以利用二維碼落單，更方便快捷。
娘惹茶燻鴨配雞油香飯及蘇東魚丸雞湯 $82平常食星馬嘢，主要都喺海南雞飯、喇沙米線、肉骨茶，今次就專登揀啲未試過嘅。老友揀嘅茶燻鴨，其實就好飲似平常食嘅煙鴨胸，啲鴨胸肉好嫩好彈牙，好重煙燻香，兼且份量多，而配嘅雞油飯好食喎，飯粒分明，富油香，但就唔會好油膩。
巴東牛肉斑蘭椰漿飯配蘇東魚丸雞湯 $78小弟就揀咗巴東牛肉，貪佢配班蘭椰漿飯，此外，更有少少食馬拉碟頭嘢嘅配菜：花生粒、青瓜片同魚乾，平常多數見喺煎蛋，但呢度就俾半隻溏心蛋，整體嚟講都幾豐富。
先飲飲個雞湯，幾清香，但個人而言就有少少鹹鹹，幸而啲魚丸唔錯，唔似港式啲咁彈牙得咁交關，但就好有魚味。
青青綠綠嘅椰漿飯真喺份外搶眼，飯粒分明，入口好軟熟，而班蘭味算喺幾突出，帶出絲絲清甜香味。
至於「黑掹掹」嘅巴東牛肉，份量可不少，咬落極之鬆化，除肉香，仲滲出複雜嘅香料味，再帶少許辣勁，有一定質素。
街頭雞肉串燒 $62除咗兩個主食，我哋亦想試試店家嘅輕食，所以，追加咗一客雞肉串燒。睇樣就燒得幾靚仔，食落又真喺唔錯，唔會燒到好乾，仲食到雞肉嘅嫩滑感，而附上嘅沙嗲真喺正，香濃惹味，富花生香，為串燒嘅味道提升幾個層次。
剛才落單時，店員順口為我推介附近另一家店「亞答屋」（Attap），正正喺佢哋嘅姊妹店，有機會下一次都可以試吓，不過，問過收銀位妹妹仔，兩間店都喺要分開各自落單，順手影埋個餐牌俾大家參考。
今餐晚飯味道都唔錯，以中環區而言，價位都喺咁上下啦。晌美食廣場食嘢勝在自由，而且，選擇又多，更唔收加一。
張貼
