羲和雅苑

營業中

休息中

舊同學來港旅遊，我帶他去欣賞維港景色和請他食飯，我訂了海運大廈的羲和雅苑，因為那兒有出名的烤鴨，餐廳又有維多利亞港的景觀。好讓舊同學懷念一下香港的美食和美景。我預先訂半隻烤鴨，鴨出爐後，店員立即把鴨推到客人面前，手起刀落把鴨一片一片切出來，首先切出胸鴨皮，純鴨皮沒有肉，點藍莓醬和爆炸糖食，鴨皮香脆藍莓醬酸酸甜甜，再加埋爆炸糖的口感，令人回味不已。再上鴨胸肉，點芥末醬，味帶少許酸味，一塊接一塊食不停口。最後係鴨腿肉，用傳統食法，用薄餅包住鴨腿肉和八寶盒上的配料食，鴨腿肉質細嫩，配料爽口，醬汁甚惹味！牛油芝士焗大蝦，大蝦已開邊，把蝦腸清洗乾淨，牛油芝士醬汁濃郁，包住每隻大蝦，彈牙又惹味，另有米通墊底，吸收了醬汁，美味香脆。張氏獅子頭，獅子頭肉質軟嫩，醬汁濃郁，混合附上的一小碗飯，好夾又好味！櫻花蝦海皇炒飯，飯炒得粒粒分明有穫氣。海鮮爽口，加入櫻花蝦，倍增口感和鮮味！