醉鍋 (V Point)

營業中

休息中

近排秋涼，好鍾意打邊爐，星期五約咗朋友去銅鑼灣打邊爐，餐廳喺V point 20 樓，餐廳裝修別致，以紅色為主調，充滿中國風，而且位於20 樓，可以飽覽維景。醉火入鍋招牌火鍋湯底 ，有五種唔同嘅火鍋口味，分別：獨特木瓜鍋：木瓜鍋材料十足，有蝦及木瓜，服務員還即場加酒入木瓜鍋再點火，即場表演火燒醉蝦，先來個視覺享受，後享受美食，醉蝦彈牙鮮甜。蕃茄波士頓龍蝦鍋：有半隻波士頓龍蝦，非常足料。清湯蘿蔔牛腩：湯同蘿蔔都很清甜，牛腩有筋，炆得夠腍，好味。四川麻辣鍋：有豆腐卜、豬皮等，充滿辣椒同辣椒油，辣得來非常之惹味。馬來肉骨茶鍋：湯底嘅藥材味十足，有豬手，充滿骨膠原。掛架頂級安格斯牛小排牛小排油脂分布均勻，充滿牛肉味，正。黑松露蝦蟹餃餃子充滿黑松露味，而且彈牙充滿蝦嘅鮮味。手打墨魚丸無添加任何多餘嘅調味料，充滿墨魚原味，好食。麻辣鴨血配麻辣火鍋一流，非常惹味。即炸手工響鈴卷及豆腐紙響鈴炸得香脆，非常吸湯，豆腐紙第一次食，充滿豆香。蔬菜拼盤及雜菌拼盤蔬菜同埋雜菌都很新鮮。三色鮮制生麵有菠菜、甘筍及墨汁麵，新鮮制造，彈牙可口。