金公館 (彩明商場) (已搬遷) 新店位置

今日放工去調景嶺探下姪仔，佢因肺炎疫情已停課多時，留在家中又唔出得街，我買咗一些智能玩具送給他。同事說彩明商場的金公館菜式都唔錯，因限聚令，超過4人唔可以一齊坐，而且外賣自取有77折，我就買外賣上去同姪仔一家開餐。外賣等待時間都好快，包裝也很好，食物盒內外層都加保鮮紙包住，防止倒瀉。老壇子酸菜魚：份量不比堂食少，足足有兩大碗，材料以鮮魚片為主，配以酸菜、萵筍、寬粉、花椒、辣椒等，魚肉滑嫩，萵筍爽口，寬粉滑溜。湯底濃厚而不腻，味道酸辣好醒胃。京滷鴨舌：細細軟骨周邊極為滑嫩，油潤的肉令人回味不已。鳳梨咕嚕肉：酸酸甜甜的菠蘿，配上外脆肉嫩的肉塊，掛上濃稠的酸甜芡汁，色澤亮麗又美味！四川擔擔麵：湯底濃郁鮮香，麵條幼滑，伴著肉碎和葱花，辣辣的好味道。