尚鮮海鮮料理

營業中

休息中

今日天氣開始轉凍心思思又想打邊爐兩個人又唔想買咁多嘢加上放工冇時間就決定去呢間餐廳買火鍋懶人包呢個餐包做個足料冬瓜湯底，我哋打前仲特登裝起咗兩三碗嚟飲，仲有啲類似姬茸菇係內面，好飲。甚至連醬汁好似蒜頭，蔥，辣椒，豉油都會包曬畀你，真係夠曬方便之後就講番有啲咩食材啦首先我哋先食咗手打丸，餃類同埋海鮮。手打丸食起嚟就係確實唔同，冇咗嗰種粉嘅味道,啲肉質又實在啲亦較濃肉味。至於雲吞同水餃，餡料滿滿又新鮮，食落漲卜卜又唔會覺得包左好耐霉晒，正。海鮮唔洗自己洗真係好，有蝦，蜆，魚片，蚌等。雖然佢每樣份量唔會好多但係樣樣都有少少就可以過足口癮，我覺得海鮮都好新鮮，特別欣賞有珊瑚蚌係平時自己兩個人打邊爐一定唔會買。之後我哋就開始食肉，佢牛肉同埋豬肉份量好多，而且非常好食，絕對唔係嗰啲急凍冇味嘅貨色。牛肉比我地自己平時買嘅仲高質，好重肉味，肉質淋得嚟又有咬口。唔好以為外賣佢就會求求其淨係睇佢啲菜咁新鮮就知道，整體食物我地非常滿意，貨真價實，重點係方便，讚。