火車頭越南餐室 (朗豪坊)

營業中

休息中

女兒說朗豪坊佈置得好有聖誕氣氛，今晚同老公去行下影下相，行過4樓見到火車頭越南餐室，記之前食過好好味！今晚都好想回味一下，就和老公入座。餐廳設計都好特別，尤其是廚部，以火車頭設計，特別的吸睛，又是一打咭好位置，座位舒適，燈光柔和。食物主打越南菜。雞絲扎肉湯河，因為河粉沽清，改用檬粉，扎肉彈牙，雞絲鮮嫩，湯底濃郁鮮甜，加左一些芫茜、乾蔥、銀芽，增添美味！。香茅豬扒撈檬，豬扒厚薄適中，煎至金黃色，肉質軟嫩入味，檬粉已經調味，味帶酸。街頭米碎飯，餸菜都好豐富，有流心荷包蛋，香茅豬扒、肉餅等，飯軟硬適中，豬扒和肉餅都好入味。越南炸春卷，春卷即叫即炸，外層香脆，餡料惹味，可以配生菜和泰式酸辣醬汁食，更加好味！鹹檸七，鹹檸檬已經整碎混合七喜內，味道鹹中帶甜，冰凍解渴。