王子牛腩牛雜粉麵專家

營業中

休息中

今晚同朋友尖沙咀行完街就去左樂道王子牛腩牛雜粉麵專家食晚餐。我地點左蓮藕煎肉餅飯，南乳豬手煲，咖哩崩沙腩飯，炸雞中翼，炸蝦餅，炸魚皮，油菜，龍鳳檸樂，熱檸賓。蓮藕煎肉餅飯：蓮藕肉餅煎得好香口，個味道口感都好，煎得唔錯唔會成口油。加埋蓮藕食落唔會太油膩感同太多肉。咖哩崩沙腩飯：咖哩汁唔算太辣唔會蓋過崩沙腩風頭。崩沙腩淋得黎有口感，岩岩好。肉質好好，又夠晒入味。南乳豬手煲：豬手真係要夠淋夠入味先好食，佢做到了。一食重骨膠原真係補補身。味道南乳味唔會過濃，入晒味。炸雞中翼：炸得香口好味道。炸蝦餅：同樣香蝦餅味道，唔會過份油份留在蝦餅之中。炸魚皮：脆口唔會油膩，炸魚皮最驚係油膩，佢不單止鬆口仲唔油。油菜：生菜新鮮好味道。紫菜湯都唔錯呀。龍鳳可樂：咸檸加檸檬加入可樂可以話超正。熱檸賓：酸酸甜甜開胃之選。