上海維記

營業中

休息中

大角咀又有新發現，我同朋友都鍾意食上海菜，當然要試下啦！酸辣湯酸辣湯份量勁多，材料十分豐富，有蝦仁、肉絲、豬肚、冬菇、甘筍、豆腐、腐竹、木耳及蔥花，辣味較重酸味較輕，令食材原味更突出。加入蝦仁、肉絲及豬肚，令整體味道更加鮮香。小籠包 $48.-皮薄湯汁飽滿，湯同肉餡比例啱啱好，每隻包都充滿肉香味及上湯嘅鮮味。黑醋骨 $88.-排骨肥瘦相間，肉味鮮醋味香醇，又帶陣陣油脂香，表面微脆，口感軟腍多汁，啖啖肉又酸酸甜甜，勁好味🥰。銀芽炒鱔糊 $168.-久遺嘅一道美食，鱔肉新鮮肥美，肉質緊緻爽滑，銀芽清新脆口，韮黃增添香味，醬油及調味比較輕，主打原汁原味，鮮味香甜又夠鑊氣，煮法非一般，但有驚喜又好味。豆沙鍋餅 $45.- 豆沙餡幼滑香甜，鍋餅較厚身，質感軟綿，更有口感。豆漿 $10.- & 酸梅湯 $10.-兩款飲料都好夠味又唔會好甜，好好飲。