天廚海南雞

營業中

休息中

今日落新蒲崗做野堅開心，因為新蒲崗出名多嘢食。喺Mikiki商場斜對面見到呢間海南雞排晒長龍，阿媽教落多人肯定有料到。不過今日趕時間，所以同拍檔諗住叫外賣，喺7 仔買兩罐啤酒慢慢嘆。星期五食好啲，一隻海南雞兩份分；一人半隻夠晒豪。另外再加啲小食：辣酒煮鮑魚同雞腎。天時熱唔使食飯都OK 。去骨海南雞：皮肉分離，夠晒嫩滑，骨都啜埋。醉鮑魚$50有5隻都唔算細；雞腎叫咗細盒份量都唔算少；有咬口，兼有酒香；送啤酒一流。下次堂食想試吓佢嘅燒羊扒飯。