天廚海南雞

平時做節，一係屋企煮，再斬料加餸，再唔係食盆菜。不過今年中秋比較少人，所以落左新蒲崗買呢間海南雞，買埋油飯，之後另外煮菜。原來大有來頭，本身係彩頤花園一間小店，好食到係呢個位置開埋分店，正日都好多人堂食，或者好似我地咁，斬半隻雞返去。因為今次只打算煮菜，所以睇下餐牌，睇下除左雞，仲有咩可以叫等緊嘅時候，發現呢度幾好坐去骨海南雞半隻 $90 呢道海南雞色澤鮮黃，用黃薑染色，非常吸睛。雞肉嫩滑多汁，下方舖有清脆青瓜，賣相吸引又開胃。海南雞配辣椒醬、黑醬油同薑蓉，味道層次豐富🥢。辣椒醬：辣椒樁碎加少少醋，酸辣好開胃黑醬油：甜味十足，不過比出面出品稀少少薑蓉：有薑香，有油滑，係香港人容易接受嘅味道油飯 $12*2=24 呢度油飯味道比較清淡，無太多香料，雞油同椰香輕輕帶味，配合乾身粒粒分明嘅飯，同海南雞好夾，唔會搶味👍。吉列豬扒 $45呢個吉列豬扒係典型港式口味，麵包糠薄而均勻，炸粉輕脆，中間豬扒厚實又多汁，咬落好滿足，點埋日式芝麻醬就更正啦！🍖 辣酒煮鮑魚5隻 $50 辣酒煮花螺就食得多啦，變成鮑魚更容易食。呢道辣酒煮鮑魚選用新鮮鮑魚仔，肉質鮮嫩彈牙，配埋爽脆嘅青瓜同蔥花，口感更豐富。加埋微辣嘅辣酒醬汁，去腥又開胃，味道層次豐富有新意！🔥凍薄荷綠茶 $20（奶茶係阿姐入錯單）呢杯凍薄荷綠茶，綠茶配薄荷糖漿，好清新又有啲苦澀，真係提神解膩好選擇！🌿總數：$229…查看更多

# 【食評】新蒲崗海南雞天花板 —— 天廚海南雞 今日行完街同媽咪去新蒲崗買外賣晚餐，見到呢間 **天廚海南雞** 門口人頭湧湧，人氣十足，就決定買幾款返屋企試下。估唔到外賣返到去依然熱辣辣，食材狀態保持得好好，真心驚喜。 ---## 🍗 海南雞（半隻 $90） 成晚嘅主角！雞肉嫩滑有彈性，雞皮油潤但唔膩。最欣賞係佢跟埋三款經典醬汁： - **薑蓉**：香氣十足，夠晒惹味； - **辣椒醬**：酸辣開胃，帶少少蒜香； - **豉油**：鹹香中帶甜，配雞一流。 份量唔細，價錢合理，真係性價比高，難怪咁多人排隊。 ---## 🐟 蒲燒鰻魚滑蛋飯（$64） 賣相好吸引，打開盒已經聞到香味。 - 鰻魚雖然外賣路程上凍咗少少，口感冇咁鬆軟，但醬汁鹹甜適中，味道依然出色。 - 滑蛋做得好足料，厚厚一層，入口嫩滑。 以呢個價位計，絕對係抵食之選。 ---## 🦑 手作自家墨魚肉餅飯（$62） 朋友大推嘅菜式，果然冇介紹錯。 - 肉餅肉味濃郁，帶少少焦香； - 加入咗爽口墨魚粒，咬落去多一份層次； - 飯量足，食完超滿足。 ---## 🥩 加配小食：麻辣牛展（加$20） 呢個加配真係超值！牛展滷得入味，肉質腍而不柴，加上微微麻辣感覺好惹味，伴飯一流。 ---## ☕ 飯跟飲品：熱奶茶 兩個飯仲包咗熱飲，揀咗奶茶。 - 茶底夠香濃，奶味同茶味平衡得好好； - 出奇地比好多茶餐廳水準更高，完全唔係隨便附送嘅感覺。 ---## 💰 價錢 今次買咗半隻海南雞 + 兩個飯 + 小食，一共 $236。以份量、味道同質素嚟講，非常抵食。 ---## ⭐ 總結 **天廚海南雞** 絕對可以話係新蒲崗海南雞嘅天花板！ - 海南雞質素高，滑嫩多汁； - 配菜同其他飯類都有心機，唔係得主打雞； - 外賣依然保持到高水準，服務態度仲好有禮。 👉 **推介指數：★★★★★（5/5）** 📌 必試：海南雞、墨魚肉餅飯、麻辣牛展 下次一定會再去買，仲想試埋佢其他小食同飲品系列！ ---…查看更多

今日去新蒲崗探朋友，佢介紹左呢間超低食嘅餐廳俾我，就係天廚海南雞。去骨海南雞半隻（$90）油飯（$12）呢度嘅名物肯定係海南雞，我地坐低左聽到無論係堂食定外賣，有8成嘅單都叫左海南雞。去左骨嘅海南雞啖啖肉，除左雞肉嫰滑唔嚡口，我地最鍾意係佢嘅雞皮，口感爽脆唔肥膩，配埋佢嘅黑醬油，薑蓉同辣椒醬食可以話提升左n個層次。油飯食得出濃郁雞油雞湯香味，飯粒粒粒分明，唔會過淋。香煎豬寸骨滑蛋飯（$64）碟飯有3件豬寸骨，肉質軟嫰唔乾，我地揀左配日式咖哩汁，咖哩汁香濃唔辣，薄薄嘅煎滑蛋上面仲有幾粒細帶子，食落口感非常豐富。跟餐雞湯娃娃菜（$16）雞湯伴住清甜嘅娃娃菜係可以中和下其他主菜較濃嘅味道。凍香水檸檬茶（跟餐加$17）凍檸檬柑橘紅茶（跟餐加$17）兩杯特飲甜度適中，酸酸甜甜味道剛好。我地食飯中途聽到隔離枱落單，佢地原本3個人，但兩個老人家到先，個仔仔稍後到，當侍應幫佢地落完單，知道未齊人，主動話可以幫佢地稍後齊人先入單俾廚房，啲野食唔使凍哂，嚟小店食就係想感受到呢種人情味。…查看更多

新蒲崗真係好多小店餐廳，天氣凍凍地又唔想煮飯，呢間平時食開堂食，今日買外賣回家慢慢歎。海南雞飯，招牌不用多說，已去骨，雞肉嫩滑，夠黃油，食落有雞味，而且配搭的醬油，辣醬同薑蓉十分惹味。油飯充滿雞油香味，配雞食一流，建議一定要點油飯。出面食嘅口水雞飯大多數都無去骨，呢度係同海南雞一樣已去骨，食落十分方便。口水雞小辣，雞肉味同海南雞一樣咁正！例湯是椰子雞湯，並不是出面飲到淡味湯水，呢碗真材實料，濃濃椰子味。由於太鐘意食海南雞，所以叫多半隻，實行海南雞自由。肉骨茶用料好充足，用料是一字骨，咬落有少少軟骨，已煲煮到十分軟淋，口味是一半藥膳一半胡椒，平衡得幾好。配料有紅棗豆卜杞子等等，非常滋補，$50大大碗十分抵飲。…查看更多

呢間海南雞飯雞瘦皮多肉少，鍾意食雞皮嘅有福啦！我唔係第一次幫襯，次次都係食招牌菜去骨海南雞飯（$58），但今日望到呢個份量真係震撼到我忍唔住食寫返次食評。係我唔好彩啦遇到隻營養不良嘅雞，雞瘦皮多肉少，總之食唔到幾啖啦。油飯又難食左，但勝在夠多，不過遇到呢個份量嘅雞，就只可以空氣餸飯啦。可能唯一好嘅就係碗椰子雞腳湯，幾清甜冇味精味。啲位本身都比較窄，一去到lunch時間多人好就坐得唔舒適。不過上菜有夠快，落完單等幾十秒就有得食啦。😂👍🏻…查看更多

海南雞飯套餐 $58雞件去骨上碟，皮薄略帶啫喱感，肉質嫩滑，份量都幾足，啖啖肉，油飯粒粒粒分明，帶微微雞油香，配搭嘅三色醬（薑蓉、甜豉油、辣醬）點少少已經惹味，唔會蓋過雞味海南雞藥膳養生雞湯手工麵 $58藥膳湯底清澈，味道溫和，入口暖身，湯中有蟲草花、豆卜同木耳，手工麵幼而有彈性，雞肉同樣保持嫩滑，冬天食會幾舒服涼拌手拍青瓜 +$20青瓜拍碎，口感爽脆多汁，蒜香、醋香與少量辣油平衡，食落清新開胃辣酒煮鮑魚 +$25小鮑魚彈牙不韌，鮮味十足，調味都冇蓋過鮑魚嘅鮮甜肉骨茶湯 $50呢款肉骨茶胡椒辛香明顯但不刺喉，排骨炆至離骨不散，肉質軟腍，趁熱飲好溫暖凍檸茶 +$3・熱檸水…查看更多

🌩️ 去骨海南雞半隻 $90 🤍 5/5 原本諗緊叫飯餐定半隻，見到堂食每枱指定一碟海南雞，keep住仲有好多外賣單，果斷唔走寶叫咗半隻！不愧係招牌必點🌟海南雞去骨啖啖肉，肉質鮮嫩肥瘦均勻，而且份量好足👍🏻🌩️ 肉骨茶配油飯 $70 🤍4/5湯底藥材滿滿好足料好甘，胡椒暖胃又更香 (不過友人覺得胡椒味稍重，睇吓你鍾意食藥膳味濃啲定胡椒味香🤣 排骨4-5件大大舊，炆得好腍入味完全唔黐骨，豆卜吸晒啲湯超正🤩🌩️ 無骨鳳爪小食 (跟餐小份+$20) 🤍 4/5 去骨後爽口彈牙，微微酸辣好開胃，做前菜就啱曬😋🌩️ 香茅雞中翼六隻 $50 🤍 4/5 即炸雞翼熱辣辣，外皮香脆入面多汁😍蘸埋秘製汁酸辣更顯香茅味🌩️ 胚芽奶茶(跟餐小份+$17) 🤍 4/5 飲落去淡淡都係胚芽，甜度適中，不過不失…查看更多

今日因為趕時間去咗新蒲崗買外賣,係門口已經聽到姐姐好落力為餐廳宣傳,行過路過又真係好多街坊會入嚟幫襯,食物應該不錯,外賣回到家仲暖暖的,立即開餐,買咗個招牌去骨海南雞飯配油飯真不錯,雞肉皮光肉滑,充滿油香而不膩!配埋個海南雞醬不錯！仲有個安格斯肉眼拼滑蛋飯,肉質鮮嫩好軟身,配埋個燒汁抵食,大大盒!再有個雞湯娃娃菜,夠新鮮既菜!香茅雞中翼香煎後,有燒烤的效果,甚為滋味有夠入味!仲有盒辣酒煮飽魚,有三件,夠爽彈,酒香入味的醉鮑魚!讃!依個份量二人開餐勁飽,仲有二杯跟餐飲品,凍香水檸檬茶好夠味清新,凍檸檬柑橘紅茶清爽!食物味道真不錯,下次要幫襯下堂食先!…查看更多

星期日行完Mikki，去咗商場對面既餐廳「天廚✨」買外賣返屋企食，餐廳招牌肉骨茶及海南雞，充滿南洋風味，餐點選擇多，街坊價錢，真係抵食又好味😋。🍗 海南雞油飯雞肉嫩滑，肥瘦剛好，油飯粒粒分明，滲透住雞油香氣，配埋佢哋自家調製嘅醬汁，味道層次即刻升級，回味無窮。🍖 肉骨茶米線湯底藥材味適中，飲落暖胃。排骨炆得夠腍，而且份量非常多，有四五條筋骨，米線吸晒湯汁，非常好味。🌶️ 麻辣手撕雞喇沙湯米線手撕雞肉嫩滑，配埋青瓜同花生，好有層次感，喇沙湯底香濃惹味，辣中帶香，米線掛湯，必點之選。🍛 咖哩吉列黑豚肉滑蛋飯咖哩香辣濃厚，吉列豚肉外脆內嫩，滑蛋香滑溜，仲有珍珠帶子點綴，好味又滿足！「天廚✨」係一間性價比極高嘅餐廳，味道有驚喜，款式多元，下次一定要再嚟。…查看更多

喺九龍灣想搵間快靚正嘅餐廳🍜，Eastmark一樓既「有間麻辣燙」真係唔可以錯過！佢啲湯底選擇超多，有自家製牛骨湯🐮、特濃蕃茄湯🍅、農鄉菇菇湯🍄招牌藤椒湯，每款都夠晒濃郁，飲落暖笠笠又好味😋。小朋友最啱嘅特濃蕃茄湯，真係有番茄肉喺入面，真材實料，味道夠濃郁。我就最鐘意佢哋嘅招牌藤椒湯底，可以揀大中小辣，辣得嚟帶少少麻，仲有自助調味枱，唔夠辣可以自己加🌶️，仲可以自由混醬，點都搵到啱自己口味嘅配搭。整體係自助形式，自己揀面底同配料，想食幾多就揀幾多，計重收費💰，啱晒唔同食量嘅人～揀完之後交比店員煮，唔使自己搞，等陣就有碗熱辣辣嘅自選火鍋送到你面前，香噴噴又滿足🤤。「有間麻辣燙」真係方便又好味，啱晒上班一族，配料選擇夠多，湯底又有誠意，非常好味👍✨！…查看更多

天廚海南雞是新蒲崗地區一個值得嘗試的餐廳，提供新鮮、味道優良的海南雞飯外賣選擇。無骨海南雞半隻：雞肉嫩滑鮮味濃郁，雞皮薄爽滑，吃起來不厚且不肥膩。雞肉已經去骨，方便食用。醬汁方面，有黑醬油、薑蓉、辣椒醬讓客人搭配，增加風味。油飯口感軟糯且不油膩。例湯：椰子湯帶鮮甜椰香，清甜不膩、香氣四溢。吉列黑豚肉滑蛋飯（黑椒汁）：吉列黑豚肉炸至金黃酥脆，肉質紮實但不會過硬，搭配滑蛋特有的半熟流心口感，蛋汁濕潤並完美滲入米飯，令整體集合了蛋香、豚肉香與米飯的柔韌。煮酒煮花蝦：花蝦本身肉質爽甜彈牙，經酒煮後更加突出其鮮味，肉質會更加入味而不腥。下午茶肥牛銀針粉配藥膳養生雞湯味道層次豐富，融合了肉香、藥膳清甜和銀針粉的滑嫩彈性，是一道兼具滋補與美味的組合。…查看更多

幫襯咗佢幾次先至寫呢個食評，佢嘅海南雞高質而且CP值高，但我今次想講吓佢嘅牛肉麵，藥膳雞湯湯底飲得出有料到，雞湯同藥膳味取得平衡，唔會太嗆喉但又唔係淡口，仲有蟲草花同紅棗，成碗麵望埋去有些台灣牛肉麵嘅影子但食落就知佢有佢嘅特色。超級讚佢嘅牛肉，厚身得嚟又腍又鬆化，比好多所謂台灣牛肉麵嘅牛肉做得更出色。 下午茶只係$45 仲有杯嘢飲。 每次去都發覺佢越嚟越多客，如果佢繼續堅持落去必成名氣店。佢嘅海南雞其實都係好嘢，不過我懶今次寫住咁多先。😅…查看更多

今日去咗新蒲崗嘅海南雞名店天廚海南雞，之前見到海南雞關注組嗰度有人講呢間店，今日經開呢頭就去咗食了喇沙湯秘製銀針粉🍜 喇沙湯濃郁香辣，帶椰奶甜味，銀針粉細滑入味，辣而不膩，好有南洋風味。番茄濃湯海南雞手工面🍅🍗 番茄濃湯酸甜開胃，海南雞嫩滑多汁，就算唔係雞髀都非常嫩滑，如果辣汁可以多啲同埋辣啲就更加好了，手工面彈牙，整體味道清新又滿足。辣酒煮花蝦🦐🔥 花蝦鮮甜彈牙，辣酒帶出鮮香和微辣感，味道濃厚有層次，過癮又開胃！無骨鳯爪🍗 鳳爪去骨嫩滑，香辣或醬汁味足，食落爽口又方便，係下酒好選擇。辣酒煮鮑魚🦪🔥 鮑魚入味軟嫩，辣酒滲透鮮味，香辣豐富，好有質感嘅豪華享受！涼拌手拍青瓜🥒 青瓜脆甜爽口，醬料酸辣開胃，涼拌手法保持鮮脆，清新解膩最佳配搭。…查看更多

呢間嘅海南雞/口水雞，我會話同我嘅期望成正比，耐唔耐就會想食翻餐😋有時實在諗唔到食咩，呢間都係首選👍🏻不過價錢黎講就有小小貴（所以多數下午茶時間食😝），不過都可以話物有所值▪️口水雞配白飯送湯（下午茶）$45📌📌推薦呢個口水雞超級嫩滑❗️而最重要嘅係佢哋嘅辣醬，唔係好辣個種，但係提升咗口水雞嘅味道，之前有食過佢哋嘅海南雞，但係後尾食完佢嘅口水雞翻唔到轉頭，辣醬真係好關鍵😚同埋佢哋嘅花生都好好味，好酥脆，每次都係曬😋住家靚湯係椰子雞腳湯，呢個湯清淡得黎有陣陣椰香味，飲完都幾舒服▪️香茅雞翼（跟餐價）$25佢哋香茅雞翼都幾香脆同大大隻，不過冇話好特別😗…查看更多

星期日同朋友去啟德商場行街，夜晚去左新蒲崗食飯。餐廳位於景福街，主打海南雞，夜晚都好多人等位食飯。我哋叫左幾款食物，海南雞飯, 肉質嫩滑， 油飯軟硬適中，充滿雞油香，配埋薑蓉、黑鼓汁等醬汁，味道更佳。安格斯肉眼扒滑蛋飯，牛扒肉質軟淋而且肉味濃郁, 雞蛋炒得滑溜，食落十分開胃。我哋另外叫左兩款小食，無骨鳳爪配上酸辣醬汁，口感爽脆。吉列炸蠔，生蠔炸得酥脆，鮮嫩多汁，伴上自製醬汁，十分滋味。香芋奶茶，芋頭味香濃，味道清新。…查看更多