天廚海南雞

營業中

休息中

今日去新蒲崗探朋友，佢介紹左呢間超低食嘅餐廳俾我，就係天廚海南雞。去骨海南雞半隻（$90）油飯（$12）呢度嘅名物肯定係海南雞，我地坐低左聽到無論係堂食定外賣，有8成嘅單都叫左海南雞。去左骨嘅海南雞啖啖肉，除左雞肉嫰滑唔嚡口，我地最鍾意係佢嘅雞皮，口感爽脆唔肥膩，配埋佢嘅黑醬油，薑蓉同辣椒醬食可以話提升左n個層次。油飯食得出濃郁雞油雞湯香味，飯粒粒粒分明，唔會過淋。香煎豬寸骨滑蛋飯（$64）碟飯有3件豬寸骨，肉質軟嫰唔乾，我地揀左配日式咖哩汁，咖哩汁香濃唔辣，薄薄嘅煎滑蛋上面仲有幾粒細帶子，食落口感非常豐富。跟餐雞湯娃娃菜（$16）雞湯伴住清甜嘅娃娃菜係可以中和下其他主菜較濃嘅味道。凍香水檸檬茶（跟餐加$17）凍檸檬柑橘紅茶（跟餐加$17）兩杯特飲甜度適中，酸酸甜甜味道剛好。我地食飯中途聽到隔離枱落單，佢地原本3個人，但兩個老人家到先，個仔仔稍後到，當侍應幫佢地落完單，知道未齊人，主動話可以幫佢地稍後齊人先入單俾廚房，啲野食唔使凍哂，嚟小店食就係想感受到呢種人情味。

行過新蒲崗，有間美味海南雞，還有很多款湯麵及西式扒飯，種類夠晒多元化，吸引我入去試試。雞肉本身鮮嫩多汁，皮薄脂肪少，搭配用雞油和雞湯烹煮的香Q米飯，以及多種風味獨特的醬料，味道相當正宗。口水雞同樣鮮美嫩爽，醬汁用上等陳醋、薑、蔥、辣椒等調配而成，味道層次豐富，辣中帶香、香中帶麻讓人胃口大開。羊扒飯香氣濃郁、吃到軟嫩的口感，並且帶有焦香和羊肉的獨特風味。鮑魚肉質Q彈，配上麻辣醬汁，滿滿花椒麻香，非常惹味。

成日經過都俾佢個藍白色招牌吸引好光猛，見價錢幾吸引呢晚就入黎試下主打無骨海南雞，仲有米線可以揀鮑魚滑雞米線，配藥膳雞湯鍾意佢啲雞係另外放，米線入邊仲有兩隻新鮮鮑魚好彈牙，材料十足，湯底有淡淡藥膳香味。海南雞飯可以跟油飯/白飯呢個價錢真係冇咩可挑剔雞夠滑有肉味，飯粒粒分明配埋醬汁好快清哂仲可以加錢叫 無骨鳳爪，青瓜夏天食依d涼拌岩晒，凍冰冰，都幾好食，又開胃。另外叫咗塊炸豬扒，估唔到炸得好好食個炸皮好薄身

中午和同事去咗新蒲崗辦點事，經過景福街嘅天廚海南雞，剛好係午餐時段，餐廳室內坐滿客人，室外也企咗等位和買外賣的客人，因為要趕返公司，一於買外賣返公司食。海南雞半隻：海南雞鮮嫩滑順，雞肉多汁且方便食用，搭配特製醬料更添風味。油飯軟硬適中，香氣十足。鮑魚滑雞銀針粉（喇沙湯底）：鮑魚鮮甜嫩滑，雞肉滑嫩，配上煙韌滑溜的銀針粉，整體口感豐富且令人滿足。喇沙湯底的蝦香、咖哩香及椰香融合得恰到好處，帶來香辣且帶有微酸的層次感，十分惹味。香辣雞腎米線（藥膳養生雞湯)：雞腎帶有香辣味，湯底為藥膳雞湯，帶有濃郁的藥材香氣和養生風味，米線吸收湯汁，軟硬適中，與湯底搭配得宜，整體口感溫暖滋補。奉送椰子雞湯味道清甜不膩，椰香與雞肉鮮味融合，適合夏季飲用，既滋補又清爽。手撕雞味道鮮美，香氣四溢，加入花生、芝麻和香菜增加香氣，醬汁濃稠且惹味，帶有微辣和酸香，口感爽脆且層次豐富。

🥢星期日係父親節，老人家最鍾意食雞，就去屋企附近呢間新開嘅海南雞專門店叫咗少少外賣加餸。🥢一定唔少得嘅就係叫招牌去骨海南雞，我哋叫咗半隻$90，打開外賣盒都幾有驚喜，半隻份量一啲都唔少，仲要多數係雞髀肉，肉質超嫩滑，一啲都唔會輸俾高級餐廳整嘅海南雞。配埋三色醬一流，我特別鍾意甜辣醬，而爸爸就最鍾意薑蓉😋🥢特色飯就叫左蒲燒鰻魚滑蛋飯$58，可以揀日式咖喱汁/燒汁/黑椒汁。個燒汁整得幾好味，鹹甜適中；鰻魚都有半條，拎到返屋企再叮一叮熱食就正。🥢我哋又叫咗個海鮮米線$62🍜，湯底可以揀藥膳養生雞湯底/喇沙湯底/鮮蕃茄濃湯底。有兩隻鮑魚、蝦、青口肉、豆卜、雲耳，湯底濃郁但食完又唔會覺得口渴，小朋友超鍾意。🥢最後我哋仲試咗香茅雞中翼$50，總共有六隻咁多。腌得好入味，雞肉亦都好飽滿大大隻，小朋友最鍾意。🥢跟餐就送咗兩杯熱飲🍹，熱菜蜜同熱華田。🥢50幾蚊一個飯餐同埋線餐其實真係幾抵，下次想試埋佢個去骨口水雞同油飯。

今日落新蒲崗做野堅開心，因為新蒲崗出名多嘢食。喺Mikiki商場斜對面見到呢間海南雞排晒長龍，阿媽教落多人肯定有料到。不過今日趕時間，所以同拍檔諗住叫外賣，喺7 仔買兩罐啤酒慢慢嘆。星期五食好啲，一隻海南雞兩份分；一人半隻夠晒豪。另外再加啲小食：辣酒煮鮑魚同雞腎。天時熱唔使食飯都OK 。去骨海南雞：皮肉分離，夠晒嫩滑，骨都啜埋。醉鮑魚$50有5隻都唔算細；雞腎叫咗細盒份量都唔算少；有咬口，兼有酒香；送啤酒一流。下次堂食想試吓佢嘅燒羊扒飯。

在繁忙的新蒲崗地區，手作自家墨魚肉餅飯無疑是一道讓人心動的選擇。這道菜以墨魚肉餅為主角，搭配香濃的燒汁，飯粒吸收了汁液的精華，讓每一口都充滿鮮美的海味。肉餅外表金黃酥脆，內裡卻保持著濕潤的口感，讓人忍不住再多來一口。仙草奶茶。味道不會太甜。香滑的奶茶同清新的仙草完美結合，帶來一絲清涼，尤其適合在炎熱的夏季享用。搭配海用雞飯，則是另一種風味，雞肉鮮嫩，飯粒彈牙。此外，油飯的口感豐富，加入的配料讓整體風味層次分明，十分令人滿意。波波奶茶的口感則更顯獨特，顆粒飽滿的波霸為飲品增添了不少趣味。而青瓜小食則是一道清爽的開胃菜，讓人吃得更有胃口。金錢肚的口感韌性十足，與其他菜品搭配得恰到好處。整體而言，還能讓人感受到用心的手作精神，值得一試。

新蒲崗最近都開左好多餐廳，呢間一直想試，店面藍白色為主調，裝修設計時尚唔似一般茶記，而且用QR code落單,非常方便去骨口水雞雞肉嫩滑得來夠入味👍🏻去骨頭啖啖肉👍🏻吃的超爽 麻辣汁唔算好辣，好惹味開胃，還有芝麻和花生增加口感💕天婦羅炸蠔 (3隻)每個套餐都可以追加一款小食 炸蠔多汁外脆內軟波波奶茶珍珠奶茶吃起來彈牙得來帶點嚼勁台式牛肉麵湯底揀咗藥膳，味道濃郁，牛肉亦都軟腍腍，米線軟硬度恰到好處

同朋友去新蒲崗天廚海南雞食飯，餐廳裝潢簡潔，主打新加坡菜。去骨海南雞半隻：海南雞的味道嫩滑多汁，雞肉質地細膩且不過熟，保留了豐富的雞香味，皮膚油香但不油膩，入口即化。搭配特製的醬油、薑葱蓉和辣椒醬可提升風味。油飯帶有濃郁的香氣和糯米的香Q口感。米粒粒粒分明，蒸得恰到好處，既不過軟也不糜爛，入口香Q有彈性。鲍魚滑雞米線喇沙湯：喇沙湯底帶有椰香、蝦香和微辣的口感，喝起來暖胃且不會太口乾，味道甜鹹辣平衡得宜。加入鮑魚和滑嫩雞肉後，湯底的鮮味更為突出，鮑魚彈牙鮮甜，雞肉滑嫩多汁，與米線吸附的濃郁湯汁相得益彰，整體口感滑順且富有南洋風味，令人回味無窮。雞中翼3隻：雞翼表皮金黃香脆，肉質嫩滑不油膩，凍鮮檸柚子茶味道清新爽口，融合了檸檬的酸香與柚子的微甜果香，帶有天然蜂蜜的溫潤甜味，酸甜平衡且不膩口。香辣手撕雞（花生、芝麻）：香辣手撕雞融合了雞肉鮮嫩、花生芝麻的香脆與麻辣醬汁的微辣麻香，口感豐富且層次分明，既開胃又令人回味無窮。

成日聽總公司啲同事講公司附近有間好食嘅海南雞飯，次次lunch time同晚市都排晒長龍，今日上去開完會即刻落去「天廚海南雞 」試下先😋店家主打無骨海南雞，有辣有唔辣，仲有特色滑蛋飯同各種小食，仲有自選湯底嘅粉麵，抵食而且出餐又快，啱晒附近嘅上班一族去骨海南雞飯可以選擇喜歡食嘅部位，我揀咗啖啖肉嘅雞胸，雞皮同雞肉都十分嫩滑，雞皮下仲有一層透明狀嘅啫喱，食入口特別滑溜，配上秘製黑醬油、薑蓉同辣椒醬味道一流👍🏻強烈建議一定要揀油飯，以雞湯去烹調，更加香鮮味更加濃郁，套餐仲會送埋雞湯或者熱飲，都只係$58，唔怪得知咁爆場去骨口水雞喇沙米線同樣一樣係揀咗雞胸，加上花生同口水汁辣辣地更加惹味，無骨食起上黎更加方便，米線可以有三款湯底選擇，有喇沙湯底、藥膳養生雞湯底同鮮蕃茄濃湯，我揀咗喇沙，椰奶味道濃郁帶微微辣，湯底裏仲有豆卜同炸蒜，豆卜索滿湯汁一啖咬落去會爆汁，超正辣酒煮鮑魚嗌套餐仲可以要優惠價加配一款小食，辣酒煮鮑魚只係$25，有三隻鮑魚，個頭亦唔細，口感Q彈帶有酒香，夠晒入味又鮮味辣酒煮花蝦四隻醉蝦只係$20，性價比高，蝦肉鮮味爽口又彈牙，上面灑上芝麻令香味更加突出，蝦頭部份仲有蝦膏，鮮甜無

今日去到新蒲崗Mikiki對面嘅「天廚海南雞」，試咗幾款招牌菜，整體質素出乎意料，絕對係區內高性價比之選！ **✨無骨海南雞** 一上枱就聞到淡淡雞油香，雞皮金黃透亮，肉質超級嫩滑，完全對得住「無骨」二字！入口啖啖肉，蘸埋佢哋特製嘅三色醬（黑醬油、薑蓉、辣醬），層次感即刻提升。雞肉本身調味適中，唔會過鹹，底下墊嘅青瓜絲清新解膩，個人覺得比好多連鎖店更出色！ **🐟鰻魚滑蛋飯** 鰻魚份量足，表面烤得微焦，醬汁偏甜但唔會膩，肉質厚身無骨。滑蛋係亮點！火候控制得剛好，蛋液半凝固狀態，撈飯一流。不過飯量略多，如果醬汁可以多啲就更完美。 **🥩安格斯肉眼扒滑蛋飯** 驚喜之作！肉眼扒大大塊，肉質鬆軟有牛香，以茶記價錢嚟講超值。滑蛋同樣高水準，仲可以自選黑椒汁或洋蔥汁，建議揀洋蔥汁，甜鹹平衡更夾牛肉。配菜嘅炒雜菇都入味，整體份量十足，男仔食都夠飽。 整體來講，海南雞必試！鰻魚飯同牛扒飯都係誠意之作，人均$60+已經食到超滿足超值。如果經過新蒲崗，絕對值得專登拜訪！

我有個同事住喺新蒲崗，佢知我喜歡食美味海南雞，就介紹我去佢屋企附近間海南雞餐廳，這間餐廳叫天廚，佢話去骨海南雞煮得好好食，尤其是連埋個藥膳養生雞湯，食物質素好，價錢又唔貴，亦都冇收加一，仲日日都好多顧客。我同朋友來到餐廳真係見到有好多顧客，仲有不少外賣顧客，餐廳餐牌食物款式都不少，有靚湯粉麵套餐及飯套餐，仲可以追加一款小食及飲品，真係令人叫得開心，多謝同事推介我同朋友來食。🐔去骨海南雞米線配藥膳養生雞湯米線滑順細軟，吸附藥膳雞湯後更顯溫潤，帶淡淡米香，海南雞去骨後肉質細嫩，雞皮爽脆，搭配薑蓉或辣椒醬提鮮，藥膳雞湯用當歸、枸杞等香氣濃郁，甘甜不苦，湯體清澈卻滋味深厚，暖胃感明顯，好快就飲晒，整個米線入口清爽與滋補平衡，藥材香氣與雞肉鮮甜相輔相成。🐙手作自家墨魚肉餅煎蛋飯配黑椒汁墨魚肉餅手打口感彈牙，墨魚顆粒增添嚼勁，鮮味濃郁帶微甜，煎蛋邊緣焦脆，蛋黃半熟流淌，與肉餅形成濕潤對比，黑椒汁辛香微辣，胡椒顆粒感明顯，平衡海鮮的甜膩，米飯吸飽肉汁與蛋液後更顯油潤飽滿，整體海陸風味交織，口感層次豐富脆、彈、滑、糯。🦪辣酒煮鮑魚（3隻）鮑魚厚實飽滿，外層微韌，中心軟嫩，酒香滲透纖維，紹興酒基底辛辣暖

在新蒲崗的一家新開茶餐廳——天廚海南雞，我們度過了一個愉快的午餐時光。餐廳的裝潢十分整潔，給人一種舒適的感覺，店員們也非常友善，讓我們感受到熱情的款待。我點了香煎羊扒咖哩滑蛋飯，羊扒外焦內嫩，搭配咖哩的香氣，讓整道菜的風味層次分明。滑蛋的柔滑口感與羊扒的鮮美相得益彰，每一口都讓我陶醉其中。搭配的仙草奶茶，清爽可口，完美平衡了羊扒的濃郁，讓我在用餐中感到清新。我的妻子則選擇了鮮番茄濃湯、吉列蠔拼天婦羅和蝦米線。鮮番茄濃湯味道濃郁，湯底充滿了自然的鮮甜，令人一試成主顧。吉列蠔外酥內嫩，與天婦羅的輕盈口感相得益彰，增添了用餐的樂趣。蝦米線則香氣四溢，與濃湯的搭配十分完美。她還點了一杯凍蜜桃泡沫紅茶，甜美的蜜桃味道讓整體用餐體驗更加清新。此外，我們還特別點了海南雞飯，雞肉鮮嫩多汁，搭配特製的醬汁，讓人回味無窮。海南雞飯的米飯粒粒分明，吸收了雞肉的鮮香，令人滿足。整體而言，天廚海南雞不僅提供了美味的食物，還讓我們感受到舒適的用餐環境和熱情的服務。這頓午餐讓我們心情愉悅，期待下次再來探索更多美味！

天廚海南雞 地址: 香港新蒲崗景福街83-97號昌泰大廈地下1號舖雞肉真係健身架好朋友同主糧食，屋企買了幾十包即食雞胸🙃出街食都盡量食雞同海鮮！無飯家庭今日買外賣$90 半隻去骨海南雞，皮滑肉嫩來形容佢，真係好食有雞味！怪不得勁多外賣單啦，有埋海南雞專用架蘸汁，寧舍好食🤤$50 肉骨茶，湯有重重胡椒味好暖胃呀，個豬肋骨好咬口！叫來比屋企老人家飲補一下跟飯可加小食，用了$25 加左3隻鮑魚，肉質彈牙又煙韌，喜歡呢個口感。$58 香煎黑豚肉滑蛋飯，要了燒汁！滑蛋一定係撈埋個汁最下飯架啦！黑豚肉香噴噴。#yummy #lunch #必食 #香港平民美食 #海南雞

位於新蒲崗Mikiki出邊有好多唔同嘅小店食肆，我哋揀咗幾乎爆坐到滿嘅天廚海南雞餐廳。食物款式非常多，我哋今次3個人就揀咗無骨海南雞，肉骨茶配米粉，羊扒炒滑蛋飯另外加配三隻炸蠔，飲品。無骨海南雞雞，雞肉煮得恰到好處，肉質嫩滑多汁，師傅仲要去左骨，食得更加方便搭配特製的蒜蓉醬和醬油，味道更加豐富。肉骨茶就偏向咗馬來西亞風格，用上唔同藥材，排骨熬製而成，排骨滲透咗藥材嘅香氣再配上豆卜及米粉，淨係個湯已經可以將米粉食晒，吃起來十分過癮，回味無窮。羊扒滑蛋飯睇落去係一個簡單嘅料理，餐廳用上高質羊扒，煎完都唔會韌，配上滑面嘅炒蛋及咖喱汁，$76 e 個價錢簡直冇得輸。最後仲加配咗$20三隻吉列炸蠔，另外加$3就喺要杯嘢飲，個人覺得性價比非常好，推薦試吓。