四季椰林海南椰子雞 (MOKO新世紀廣場)

營業中

休息中

呢兩日天氣轉涼突然間好想食火鍋，去完旺角Moko行完街，經過見到有間食海南椰子雞就入去試吓。餐牌上主要食椰子雞為主同埋其他火鍋配料，我地就點一煲試吓。原味椰子雞湯底主要用椰子不加一滴水所以飲落好清甜，雞肉用上海南文昌雞，肉質鮮嫩又滑，不用黏上任何醬汁已經好好食。手打黑虎蝦滑放入煲入面滾3分鐘就可以食得，啖啖蝦肉好爽口，新鮮竹笙竹笙爽脆吸入湯底精華超好食。中山脆鯇魚片鯇魚片切得好薄，輕輕滾一滾已經食得，加入少量辣椒豉油已經好惹味。金牌臘味飯冬天最好食熱辣辣嘅煲仔飯，配料有臘腸、臘肉和芋頭，打開改已經香噴噴，再加埋煲仔飯豉油食完好暖胃，每一啖都食到飯焦，超正！