影片
開飯介紹
標榜椰子水火鍋湯底絕不加水，使海鮮、各式肉類味道更鮮甜。裝潢走懷舊風格，以綠色為主調，設有多個廂座，環境舒適。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
有關獎賞計劃
最近終於去咗我期待好耐嘅【四季椰林海南椰子雞】，呢間餐廳喺深圳超級火熱，餐廳賣點係用真椰子水煲湯，不加一滴水！最近終於登陸旺角，真係火鍋迷不能錯過🔥！一入門已經感受到熱帶風情濃厚，裝潢簡約又不失格調。加埋溫暖燈光，打造出一個舒適又時尚嘅用餐空間！必點的主角：🐔海南文昌雞等砂漏流完五分鐘，就可以打開鍋蓋，啖啖熱辣辣的椰子雞湯香氣四溢，雞隻選用山林放養文昌雞，肉質特別嫩滑，雞味濃郁，吸飽椰子水嘅精華後，完全唔需要點醬已經好夠味，食完唔會口乾，真正做到滋補而不燥！椰子雞湯湯底清甜潤喉，有天然椰香，入口唔油膩，第一口已經令人愛上💕🥩 火山肥牛絕對係肉控福音！落鍋輕涮幾秒就入口，肉質柔嫩中帶牛脂香，涮完仲會吸到少少椰香，非常特別～💗 心形午餐肉打卡一流！鹹香適中，口感扎實，涮完都唔會鬆散。🧆 潮汕非遺丸類雙拼牛丸和魚蛋完全無得輸，咬落彈牙之餘仲有湯汁爆出，好有驚喜感，啖啖真材實料。🥬 新鮮生菜+響鈴響鈴落湯一煮就吸哂湯底精華，煙韌入味，生菜爽脆解膩，整體搭配好均衡！金牌非遺臘味煲仔飯🍚 重頭戲竟然唔係火鍋，而係金牌非遺臘味煲仔飯🍚 ！飯粒粒分明，臘腸香氣濃郁，底部煲焦脆口，店員仲會貼心幫你搗飯焦，一啖食到底超滿足！🍵 雲南高山綠茶，入口清香回甘，食火鍋飲返杯清茶，真係解膩一流，舒服晒。整體體驗超出預期，不論食材、湯底、配搭都好用心，加上環境優美、服務貼心，適合同朋友閨蜜聚餐，或者同家人來一次的養生火鍋🔥！
繼續閱讀
「四季椰林海南椰子雞」喺深圳非常出名，而家喺香港已經可以食到啦🤪店員服務態度好好，點餐之後亦有教我哋火鍋點樣煮會最好食👍🏻呢到主打四個椰子一鍋湯，唔加一滴水，湯底清澈鮮甜，而且雞隻係用海南文昌雞，放入鍋之後只需要等沙漏5分鐘，就可以開蓋食雞🥰雞肉鮮嫩，吸收晒全部椰子湯，每一啖除咗雞嘅香，仲有勁鮮甜嘅椰子味😍而配料方面亦都好豐富，潮汕非遺丸類雙拼，魚蛋新鮮清甜，牛丸彈牙多汁，絕對高質😋貴州紅托竹蓀，夾起一片片放落火鍋，同樣吸收晒椰子雞湯味，口感爽滑好得意😝3秒響鈴及娃娃菜，食火鍋點可以冇呢兩樣嘢😆響鈴果然只需要浸3秒就食得，娃娃菜新鮮爽口👍🏻金牌非遺臘味煲仔飯，食完咁豐富嘅椰子雞煲，竟然仲有大大碗煲仔飯，香氣十足，加上臘腸芋頭，店員仲好細心問我哋需唔需要飯焦，絕對係煲仔飯嘅精髓🥰
繼續閱讀
工作後約了同事在新世紀廣場中的火鍋店「四季椰林海南椰子雞」，門面光鮮舒服，店內環境佈置及裝修風格同樣是走熱帶風情加懷舊風格，以綠色為主調，環境闊落，餐桌很大很舒適，餐牌食材選擇很豐富，我們點了招牌必點2人套餐！必試主角當然是海南文昌雞半隻配椰子湯底，主打的湯底是由4個椰子煮成1鍋湯，絕不加1滴水，椰香很夠濃，選用上海南文昌雞，肉質嫩滑！店員會幫忙將雞及配菜放入鍋中，然後漏斗精準計時五分鐘，當滾起時，馬上飲用椰子湯，加上雞肉鮮味，令到湯底鮮甜無比，馬上喝了一碗湯！3秒響鈴 － 放湯數秒，馬上吃下外脆內煙韌的口感，盡吸椰子雞湯精華！貴州紅托竹蓀 － 同樣大件，入口甘甜，口感滑溜爽口，真材實料！潮汕非遺丸類雙拼 － 各有四粒牛丸及魚蛋，牛丸口感很飽滿，魚蛋肉質彈牙滑溜！娃娃菜 － 很新鮮翠綠，份量大碟。份量好多，吃了肉後吃多點菜更健康！金牌非遺臘味煲仔飯 － 超級大份，材料十足，米飯粒分明金黃，芋頭軟糯，加入臘腸片更香濃，我最愛的是煲底的金香飯焦，店員更為我們攪飯焦，服務一流！茶滑順，入口清香回甘，食火鍋必配上茶飲，解膩一流！整體來說，這晚十分滿意，食物質素高用料上乘，環境舒適，店員服務態度十分親切，很主動，大滿足的一晚！
繼續閱讀
位於旺角新世紀的火鍋店，有很多卡位坐得舒適，還有第一次喝海南鷓鴣茶，味道甘香清甜，喝過後便愛上了。餐牌有套餐和散叫，我們幾個人點了套餐再加小許食物。令人驚喜是全鍋用了4個椰青水做湯，完全沒有混合其他，打開聞到很香椰青味，先喝一口很清新鮮味😍把套餐的海南文昌雞和竹笙一並倒入鍋內，以5分鐘時間便可以吃，湯鍋雞的鮮味清帶有雞味，套餐中有非物質文化遺產的食品。套餐包括：金牌非遺臘味煲仔飯（中煲）海南文昌雞（半只）貴州紅托竹笙湖汕非遺丸類雙拼娃娃菜3秒響鈴煲仔飯超美味，在底有很多鍋巴，好有口感脆口的，有芋頭、冬菇臘腸、臘肉秘制醬汁點，不會感到肥膩又不咸😊半只雞份量剛好，肉質結實的走地雞，那個響鈴真的3秒便可入口，時間剛剛好，份量不會過於大條。調味料比較特別用了砂礓、辣椒，和青檸🍋🟩把火鍋食物沾上調味料出奇地有種泰國特色，增加味蕾感覺。食完好飽好滿足😌
繼續閱讀
分享火鍋之前 忍唔住同大家先分享店內的鷓鴣茶 茶湯滑順 帶回甘 而且可以幫助消化提高免疫力 冇諗過係火鍋店可以飲到咁特別嘅茶🍵而更加估唔到嘅 係打邊爐嘅舖頭居然有自家椰子種植嘅基地 由田園到餐桌 全程嚴格把控品質 就連文昌雞養殖都有專屬嘅基地 用低密度散養方式 培育出更優質嘅雞🐔原味椰子雞鍋清澈見底 證明萃取椰子水嘅過程非常精密 完美過濾 當第一次煲滾之時 職員即刻上前幫忙將半隻雞倒入鍋中 倒轉漏斗 計時5分鐘開始！再次滾起 椰子嘅清香撲鼻而來 熱辣辣都忍唔住即刻飲番啖靚湯 四個椰子煲埋既一鍋湯 一滴水都唔加原來係如此滋味 而餐廳用到上海南文昌雞 雞肉煮到剛剛好 非常鮮嫩 沾上特製醬料 即使枱上有我最愛既肥牛都不足以令我變心飲夠湯後職員就即刻幫我地加湯 正式開始打邊爐！先試試火山肥牛肥瘦適中 爽口鮮甜 潮汕非遺丸雙拼為牛筋丸同魚丸 牛筋丸口感豐富 有嚼勁 牛味濃 值得一試菜方面媽媽揀左少有既鮮活水培菜 要自己一塊塊摘出黎 好有儀式感之餘 質地清爽可口 而午餐肉同響鈴都係可以索湯汁既好材料 椰香滿溢 令人一口接一口另一個令我期待既就係金牌非遺臘味煲仔飯🥘選用優等級油粘米 臘腸和臘肉 而且仲包有飯焦 香脆帶點豉油既甜口 臘味香氣濃郁 唔中意食飯焦既話職員亦可以另上在用餐過程中 即使在繁忙的時段 職員時刻關心我地既需求 定期檢查是否需要加湯 讓我覺得非常貼心!
繼續閱讀