咖吔

營業中

休息中

今日黎到北角搵食，係北角匯都有一間食星馬泰東南亞美食好出名，平時都有好多人幫襯，星期六日更加係人山人海，而且價錢唔貴，係豪宅區黎講算係恩物。首先叫左個小食，班蘭咖央多士，呢個外脆內軟，中間一層厚厚既牛油，配咪香濃既咖央醬，真係一級享受😋。每次黎食東南亞都一定要點呢款小食。跟住再試多款小食手工流心芋泥丸（5粒），呢款都係外脆內軟，而且唔會好油膩，好岩一家大細都岩食。主食方面就點左馬來沙嗲牛肉鍋配米粉，呢個份量賣相非常吸引，大大既鍋慢煮牛肉，湯底非常香濃可口，煮完牛肉既湯底再放入米粉，所有既精華都比米粉吸收曬，非常香濃美味。最後一個主食係海南雞飯配喇沙，海南雞係去骨既食落安心，小朋友都岩食，而且有三款醬料點黎食，令味道更加提升。油飯又好好味，粒粒甘香。