Lounge Hakuba

營業中

休息中

刺身：帶子微微燒焦，加點檸檬帶點清新。三文魚：厚切，半熟既三文魚，半熟既口感，軟中帶靭。牛肉壽喜燒烏冬：牛肉味非常濃郁，軟熟無筋，配上微甜同烏冬口感煙靭既壽喜燒汁非常配匹。串燒盛：有五花腩流心蛋，明太子淮山燒，各有特色。明太子淮山串燒又估唔到幾夾。柚子手羽先：單骨雞翼，炸粉脆亦唔會太厚，恰到好處。柚子醬汁份量適中，達到掛汁效果而唔會over，十分回味。加州卷：有牛肉卷同牛油果卷。牛肉味都算唔錯，薄切做成牛肉卷，口感唔錯。牛油果就比較清新，各有千秋。餐酒：有唔同款cocktail。maple: 較易入口，酒味清淡些，帶點甜味。umi: 酒味較濃，配上梅子帶點酸甜。大冰粒last 到完場都未溶哂，能夠保持冰凍感。總結：sofa位置非常chill，食材質素新鮮，味道亦唔錯。當中亦有不少特色小吃，非常唔錯。