影片
更多
2022-12-21
2837 瀏覽
之前入開「東涌」，晌「東薈城」二期嗰邊試過一家新派居酒屋「QUE」，當時嘅總結喺環境頗舒服，招呼又唔錯，食物嘅配搭、做法都有驚喜。最近，知道佢晌「圓方」落腳，咁就更加方便我呢啲九龍人啦。所以，今日約咗表哥出嚟聚一聚，食餐晏，順便都有啲嘢交收吓，兩老表都有成半年無見過面。上次嘅「東薈城店」，晌裝修上就比較清新簡約，加入咗好多打卡位，反觀今次嘅「圓方店」，裝修方面就走番高格調嘅路線啲，整體而言，摩登時尚，地方闊落，唔會有咩擠逼感，一室啡系，配以柔和燈光，感覺很好，而且，每枱都有聚焦燈，最方便到小弟影嘢。我哋被安排入門口左邊嘅卡位，感到寧舍寬敞。而坐定定之後，再睇睇四周環境，先發現天花嘅設計都好特別，幾有藝術感。此外，如「東薈城店」，又見到可愛嘅「貓貓」擺設，我身後就有一隻，像真度非常高，霎眼望埋去，幾可亂真呀！餐具亦好精美，一眼望埋去，就知連啲筷子都喺高質貨。既然定位為新派居酒屋，菜式固然都幾有亮點，除傳統嘅刺身、壽司、燒物、丼飯之外，亦提供好多充滿創意嘅壽司塔可、揉合西日嘅意粉及意大利飯、配搭富心思嘅甜點，當然，仲有小食呀、沙律呀、各式各樣飲品呀、酒類呀，選擇非常之多。火灸吞拿魚沙律 $
上次嘅「東薈城店」，晌裝修上就比較清新簡約，加入咗好多打卡位，反觀今次嘅「圓方店」，裝修方面就走番高格調嘅路線啲，整體而言，摩登時尚，地方闊落，唔會有咩擠逼感，一室啡系，配以柔和燈光，感覺很好，而且，每枱都有聚焦燈，最方便到小弟影嘢。
我哋被安排入門口左邊嘅卡位，感到寧舍寬敞。而坐定定之後，再睇睇四周環境，先發現天花嘅設計都好特別，幾有藝術感。
此外，如「東薈城店」，又見到可愛嘅「貓貓」擺設，我身後就有一隻，像真度非常高，霎眼望埋去，幾可亂真呀！
餐具亦好精美，一眼望埋去，就知連啲筷子都喺高質貨。
既然定位為新派居酒屋，菜式固然都幾有亮點，除傳統嘅刺身、壽司、燒物、丼飯之外，亦提供好多充滿創意嘅壽司塔可、揉合西日嘅意粉及意大利飯、配搭富心思嘅甜點，當然，仲有小食呀、沙律呀、各式各樣飲品呀、酒類呀，選擇非常之多。
火灸吞拿魚沙律 $128先嚟一道沙律開開胃，幾款沙律都有興趣，但表哥就想試試啲吞拿魚，加上呢款都喺店家嘅推介之一。賣相幾清新，吞拿魚睇落亦好新鮮。以多款沙律菜做底，仲加有櫻桃蘿蔔、車厘茄，面頭嗰啲食落應喺炸牛蒡絲，再淋上柚子醋，單喺啲沙律已清爽好食。而吞拿魚火灸過，有種半生熟嘅感覺，卻保持其魚鮮味，另一面仲燒得有啲焦脆感。
松葉蟹肉丼 $178小弟一向都幾喜歡食蟹，但絕對唔鍾意拆蟹，因為怕麻煩，所以，晌好多小弟嘅食評中，都會見到我揀啲已拆成蟹肉嘅菜式，今次亦唔例外，揀款蟹肉丼。賣相就非常亮麗吸引，睇番餐牌，就標明成份包括松葉蟹肉、蟹籽、蟹膏，並配上一小碟酸蘿蔔；啲蟹肉非常鮮甜，唔使自助郁手拆，自不然食得更爽，蟹籽就卜卜脆，蟹膏呢？其實蟹膏就混和咗落部份蟹肉，所以，有啲蟹肉你見喺灰灰哋色，咁食法個人嚟講就仲好，此外，米粒黏糯有米香，日本米確喺有質素嘅。
松葉蟹肉丼
$178
41 瀏覽
0 讚好
0 留言
香煎法國鵝肝月見燒牛肉意大利飯丼 $228晌餐牌中，表哥一睇到呢一款意法日嘅料理，已一眼相中佢，二話不說成為佢嘅心水之選。的確，賣相好靚，無論鵝肝，還是燒牛肉，都做得好靚仔，加上大大隻日本蛋、大蔥絲、牛蒡片、五顏六色嘅芝麻，真喺睇到都流口水！而鵝肝煎得外脆內嫩，粉香油潤，味道一流，燒牛肉就恰到好處，外層焦脆，肉質軟腍，甚富肉香；將蛋黃跟意大利飯拌均，而飯粒煮到濕濕潤潤，又沾滿芝士，真喺好食得無嘢講。
香煎法國鵝肝月見燒牛肉意大利飯丼
$228
35 瀏覽
0 讚好
0 留言
特濃朱古力榛子蛋糕 $88最後，當然要以一道甜點作結，上次因為喺食晚市套餐關係，甜點就指定喺甜筒，今回就想試一試其招牌Q-bue蛋糕，而4款口味中，就以呢一隻特濃朱古力榛子口味喺推介，咁就順理成章揀咗佢。立方體一大件，仲伴有一個迷你甜筒，非常可愛。主體喺朱古力慕絲，做得朱古力味既濃郁，口感又柔滑，底下仲有啲朱古力味海綿蛋糕，而中間喺榛子做成嘅餡蓉。至於餐牌中仲提及一種成份「蓽茇」，第一次聽，上網搵搵，原來喺一種胡椒科植物，有散寒止痛、降胃氣之效，真喺估佢唔到。
特濃朱古力榛子蛋糕
$88
56 瀏覽
0 讚好
0 留言
玉桂楓糖鮮奶咖啡 $58食甜品梗喺要襯杯咖啡，我就揀咗杯鮮奶咖啡，呢度嘅咖啡沖泡得唔錯，先講杯咖啡嘅拉花，工整，線紋細緻，加入咗少少楓糖，面頭又灑咗啲玉桂粉，入口增添咗唔少風味，而且，個鮮奶咖啡嘅口感好均勻，唔使攪，每口都一樣，並且很醇香。
粟國鹽焦糖鮮奶咖啡 $62表哥呢杯鮮奶咖啡就「花臣」多啲，鹽同糖漿都喺分開上，所謂粟國鹽，事後網上摷一摷，粟國島喺沖繩群島中嘅一個小島，以以農業及漁業為主，其海鹽亦有啲名氣。表哥話佢喺第一次飲呢類咖啡，甜中又帶點鹹味，感覺很有趣。
整體嚟講，環境舒服，招呼亦非常熨貼，負責我哋枱嘅哥仔亦好醒目，好似最初飲嘅室溫水喺用普通玻璃杯裝嘅，之後，轉飲熱水，佢就改用隻瓦杯裝我，咁就唔會焫親手。不過，始終喺「圓方」地段，定價會喺進取啲，但仍覺得物有所值！
張貼
