等等HEA

營業中

休息中

天氣咁凍就最啱食返個羊腩煲暖返下，小編今次就去左九龍城食羊腩煲，雞煲，南乳豬手煲100分鐘任食放題。仲有台式小食同火鍋料任食。🍲🍲秘製古早羊腩煲羊腩炆得好入味，又唔會羶，點埋個腐乳啱啱好。🤩羊腩煲用料都好足，除左羊腩仲有冬菇，馬蹄，枝竹，竹筍，全部都入曬味。尤其枝竹吸滿汁，餸白飯一流。🤤🥘台式香辣雞煲雞煲炒到好香好惹味，夠麻夠辣，夠曬濃味。😋洋蔥亦炒到好軟身，吸曬雞煲既醬料。台南南乳豬手煲豬手勁香南乳味，豬手足滿膠質，食得好滋味。🤩台式小食士林鹽酥雞 炸得香脆得黎又唔會乾，仲可以配埋千島醬一齊食，一定要試下。🤤阿宗麵線 好似真係去左台灣食麵線，最緊要一定要加埋個辣椒醬食就最完美。😍飲品方面都好多選擇，除左一般汽水之外仲可以揀珍珠奶茶🧋，仲有唔同既果茶同冷泡茶。