等等HEA

又到咗食大閘蟹嘅季節.之前喺IG見到有人推介呢間店嘅「大閘蟹任飲任食放題」, 即刻搵男朋友一齊去試吓.88分鐘任食嘅蟹有細、中、大、特大四個size.價錢當然有分別啦.我揀咗中size, 大約係四至五両.除咗蟹, 呢度仲有好多蟹粉小食同台式美食任食.飲品除咗罐裝啤酒、汽水, 仲有自家製飲品.我試咗玫瑰洛神花茶.味道酸酸哋咁, 幾開胃, 可以消滯.講吓小食先.食神蟹粉糯米燒賣王好大件!薄皮包住滿滿嘅糯米餡, 蟹粉都幾多.蟹粉水餃勁多蟹粉.蟹汁牛肉串、豬肉串有種東北燒烤嘅味道.大閘蟹唔好見佢細細隻, 裡面勁多膏㗎!超正!鹽焗大閘蟹蟹肉會比蒸嘅乾身啲, 但都好鮮味.玫瑰露花雕醉大閘蟹花雕香得嚟唔會搶咗蟹味.冇諗過呢個配搭都幾好食.膏同肉都多.麻辣大閘蟹我覺得有啲辣.麻辣汁滲晒入蟹肉, 好惹味.熱薑茶最後飲返杯熱薑茶驅寒.好滿足啊!整體嚟講, 大閘蟹嘅膏都算多. 無諗過大閘蟹除咗蒸, 仲有其他整法, 仲要係好食嘅.不過呢度嘅蟹粉小食同台式美食實在太多選擇喇.建議食大閘蟹食快啲, 性價比會更高!…查看更多

九龍城「等等Hea」今年同上年一樣推出88分鐘大閘蟹放題，而且價錢維持不變午市時間餐廳已經好多人食，每位客人都是食大閘蟹，除咗可無限追加大閘蟹之外，更有多款蟹粉款式、食神爆汁蟹粉小籠包、食神蟹粉糯米燒賣王、蟹粉水餃、生滾大閘蟹粥、瀑布蟹粉撈麵/飯、蟹油香辣雞煲、台式腸蟹粉糯米飯、蟹粉澎湖花枝丸、蟹粉爆汁貢丸、蟹汁多春魚蟹粉滷肉時菜、蟹粉午餐肉粒及台灣經典小吃如、滷肉飯、鹽酥雞粒、手工薑茶芋圓，黑糖珍珠系列等飲品✨大閘蟹一坐低，店員就會立即安排大閘蟹，有清蒸、鹽焗、麻辣、玫瑰露花雕醉大閘蟹，由上枱開始計時88分鐘任食，每隻都好多蟹膏，蟹膏味道甘甜鮮味，加埋甜甜酸酸店家秘製嘅黑醋將鮮味再提升，好食到停唔到口✨ 瀑布蟹粉撈麵蟹粉撈麵都係必點，濃厚嘅蟹粉倒在撈麵上，每條麵都掛滿蟹粉十分治癒，而且味道甘香，拌上特製蔥油醬再加少少黑醋，令味道更提升✨飲品除咗多款台式飲品，黑糖珍珠系列，啤酒和汽水之外，還有多款健康飲品如，薑米茶、橘皮玫瑰、竹蔗茅根、百香果、玫瑰洛神花茶等…查看更多

見到等等Hea新出$99雞煲烤魚放題，仲包串燒、台式小食，心諗：「咁平？會唔會伏㗎？」點知食完，真係要講句——抵到爛！ 🍗 雞煲+烤魚，雙重暴擊揀咗台式麻辣雞煲，雞肉嫩滑，醬汁濃郁帶甜辣，唔會死鹹，仲可以無限添雞！加$30升級酸菜烤魚，魚肉唔算多骨，酸菜湯底夠開胃，豆卜索晒汁，正！朋友話：「$99連烤魚都包？仲平過茶餐廳！」 🍢 串燒+小食，台味十足 串燒即叫即燒，五花腩串焦香脆口，牛油小串牛味濃，仲有鹽酥雞、甜不辣，炸得香脆唔油膩。最驚喜係*阿宗麵線*，配埋辣椒醬，真係有台灣夜市feel！甜品*手工芋圓*煙韌，椰汁底夠香，食完仲想encore。 🍲 打邊爐模式，超值追加 食完雞煲烤魚，轉戰火鍋！$199豪華套餐仲有*安格斯牛板腱*、*澳洲和牛牛胸爽*，肉質唔差，尤其牛胸爽牛油香爆棚。朋友笑：「$199仲有蟹黃小籠包任食？唔通老闆係台灣人，唔識計數？」 🍻 啤酒+珍奶，爽到震 加$18任飲*青島啤酒*同台式飲品，珍珠奶茶、檸檬冬瓜茶全部無限添，朋友話：「淨係飲啤酒都回本啦！」 📍 環境+服務 鋪頭細細，座位唔算闊落，但勝在乾淨。服務員手腳快，換碟加湯都唔使等。 後記$99食到咁多嘢，仲要質素唔差，真係「時光倒流價」！不過88分鐘有啲趕，建議揀$199豪華餐慢慢歎。如果4人以上訂位，仲送海鮮拼盤，抵到喊！ …查看更多

今次帶埋老婆阿女去到九龍城，試下「等等HEA」大閘蟹任食！🦀主角大閘蟹有三款：• 鹽焗🦀 最食到蟹味，蟹膏滿到拆開都流出嚟• 麻辣🦀 似足避風塘炒法，蒜蓉辣椒爆香• 花雕酒🦀 酒香滲入蟹肉，我覺得配埋酒一流蟹有細、中、大、特大四個size，價錢唔同，我哋揀中size（大約四至五両重）不論公乸都好多蟹膏。88分鐘計時無幾耐，店員就上蟹，熱辣辣拆殼超滿足😎除咗大閘蟹外，蟹粉crossover台式小食都幾破格：鹽酥水餃🥟 咬落蟹粉爆汁生滾大閘蟹粥🍲 粥底新鮮甜美瀑布蟹粉撈麵🍜 麵條彈牙，蟹粉淋到成碗金黃，影相打卡必備蟹粉澎湖花枝丸+爆汁貢丸🔥 彈牙juicy牛肉羊肉串比啲蟹汁包住晒👍🏻仲有台式腸粉糯米飯、午餐肉粒、鹽酥雞粒飲品推超少甜冷泡茶：• 百香果烏龍茶🍋 清新解膩• 竹蔗茅根雪梨🍐 • 黑糖薑母茶☕ 太太話暖笠笠好comfort最緊要可以驅吓寒• 菠蘿四季春同芒果綠茶都幾正中size蟹$5xx位加埋食咗咁多蟹粉小食，計落每隻蟹超平！…查看更多

88分鐘任食大閘蟹，出菜夠快，蟹肉又鮮甜，無論係公定係乸，隻隻都爆曬蟹膏。仲有其他任食小食（不過基本上都冇乜機會食到，因為要留肚食晒d蟹）；見隔籬枱食烤魚同雞煲，原來雞煲都好出名，聞落都好香，下次試吓先….另外有好多任飲嘅飲品，包括黑糖珍珠奶茶、黑糖薑母茶、竹蔗茅根雪梨等，加埋$38就可以任飲青島啤酒同埋古月花雕。值得一提係，店員姐姐啲態度非常好，周不時會主動走過來問我哋要唔要下一round. 應該會係每年嘅指定動作……查看更多

🦀【$478大閘蟹任飲任食放題】🦀✨88分鐘無限追加✨ 大閘蟹任飲任食，蟹粉前菜、蟹粉水餃、蟹油香辣雞俘樣樣有！發現最平都只係478。即刻衝過去。🍽 供應期：2025年9月25日至12月5日🕒 時段及價錢：•午市 14:30–17:30：$478•晚市第一輪 17:30–19:15：$498•晚市第二輪 19:15–21:15：$478•中蟹/大蟹/巨蟹放題：$568–$818🧋 任飲任食款式包括：大閘蟹公、蟹粉湯餃、蟹汁牛肉串、蟹粉撈飯、蟹粉酥雞粒、古早冬瓜茶、黑糖珍珠奶茶、菊花茶、果茶系列等。🦀 加$38升級任飲花雕及生啤好抵食…查看更多

最近試咗呢間以大閘蟹放題作招徠嘅 等等Hea💰$568 四至五両大閘蟹同蟹粉菜式放題 88分鐘任飲任食🥘 價錢算係中規中矩。整體嚟講，餐廳風格偏向簡單自然，適合鍾意原汁原味嘅人～ 但如果追求精緻同豐富層次，可能就未必完全符合期望🍀🍽️ 大閘蟹蟹方面～ 乸蟹膏量都唔少，不過蟹身整體偏細，肉量唔算多。如果蟹嘅大小再均勻啲，體驗會更加好🍀🍶 古月陳年花雕酒花雕酒暖身又舒服，係成餐最滿意嘅部分，為成個用餐體驗加分唔少！…查看更多

是次屬不愉快經驗，連一向不寫評語的食客-我，都要發一發聲，提提消費者。與朋友於openrice 購買了每位$688大閘蟹套餐，是日因為假日，需額外付附加費$38，再每位加一後，人均$798.6。蟹細完全不足描述重量，飲品淡而無味，熟食如蟹粉小籠包又無貨，其他小食如串燒、蟹粉餃子完全不美味，完全不值此價錢，不會再幫襯，付出酒店價錢，但性價比極差的體驗，日後寧願選擇到酒店食。再者，環境狹窄，衛生亦一般。…查看更多

大閘蟹放題🦀一坐低，店員就好熱情咁介紹食法，同時不停上蟹，簡直係 **無蟹停手** 嘅節奏！每隻大閘蟹都蒸得啱啱好，蟹膏香濃、蟹肉鮮甜，啖啖都係幸福嘅味道🧡。**服務方面⭐️⭐️⭐️⭐️⭐️** 店員態度超好，見我哋食得快，仲主動問要唔要再加，完全唔怕你食，只怕你唔夠飽！真係食得開心又安心。…查看更多

叫左$99放題，一坐低叫咗個雞煲要等45分鐘，雞煲完全無味，串燒好似食廚餘咁，不知所謂，最正常係個滷肉飯，麻辣豬耳，完全冇麻辣味，加啲泰式辣醬就話自己麻辣豬耳，真係好難食，間野原來做大閘蟹放題，又要拎呢個放題做噱頭，成間嘢食餐都勁亂，又漏單，又重覆係咁送，簡直一塌糊塗…查看更多

今次嚟到九龍城《等等HEA》食大閘蟹放題，人氣台式餐廳，以其豐富的大閘蟹料理而聞名。餐廳主打的食神瀑布陽澄湖蟹黃撈麵/飯套餐，每份含有180g蟹黃，份量十足且價格實惠，深受食客歡迎。除此之外，餐廳還提供多種蟹粉美食，如蟹粉小籠包和士林鹽酥雞等經典台式料理。蟹粉小籠包是不容錯過的精品，皮薄餡多，每一口都能品嚐到濃郁的蟹黃風味。士林鹽酥雞酥脆可口，是下酒的絕佳選擇。除了單點菜式，等等HEA還提供大閘蟹放題，讓饕客們可以盡情享用新鮮的大閘蟹。餐廳的環境雖然不算豪華，但充滿台灣小吃店的親切感。就嚟到大閘蟹啦，如果大家都想食大閘蟹，不妨過嚟等等Hea試一試😊建議提前預訂喔😁…查看更多

趁住中秋佳節當然要食得豐富啲啦😬 今次我同太太就黎到九龍城再訪「等等Hea」，因為性價比真係相當之高👍4兩 - 5兩大閘蟹放題🦀 $568 + 10% p.p食神爆汁蟹粉小籠包食神蟹粉糯米燒賣王生滾大閘蟹粥小碗瀑布蟹粉撈麵台式腸蟹粉糯米飯蟹粉澎湖花枝丸蟹粉爆汁貢丸蟹汁多春魚蟹汁牛肉串蟹汁豬肉串手工薑茶芋圓荔枝烏龍冬瓜檸檬食大閘蟹🦀放題首先當然緊係要講下啲大閘蟹先啦😬 大閘蟹有4款煮法任君選擇食邊款！有清蒸、玫瑰露花雕、鹽焗 同埋 麻辣口味😋 大閘蟹相當之多膏 而且都幾大隻👍 小編就最鍾意食玫瑰露花雕味嘅大閘蟹🦀 有花雕味帶出蟹嘅鮮味😂除咗大閘蟹仲有十分多嘅「蟹粉x台式」嘅小食 同 食品，仲有 台式飲品任叫任飲👍 真係非常之滿足呀😬P.S 店員溫馨提示：88分鐘任飲任食，大閘蟹上枱先會開始計時，所以時間係相當充裕😂…查看更多

久違的朋友聚餐，任點串燒，小食，雞煲香辣入味無限追加～烤魚同雞煲台式小食～蟹黃麵，蟹黃小籠包，小碗滷肉飯，台式手工芋圓 ，甜不辣，蒜香麻辣豬耳，鹽酥雞粒等等⋯火鍋配料無限追加安格斯牛板腱，西班牙黑豚腩片 ，美國特級肥牛，澎湖貢丸，花支丸 澳洲和牛牛胸爽，紐西蘭草飼羊肉卷，白蘿蔔等等…查看更多

係open rice book咗位，到揚發現座無虛席，無好似其他餐廳咁有留位比預約咗嘅人。雖然係咁，但職員都好快執咗位比我地。但個位係樓上，成個樓上都比一班人book咗。其實佢地都唔夠位坐。可以話強行塞咗我地去人地包場嘅位到。人地成班係到慶祝生日，我地兩個唔關事嘅坐係到勁尷尬。然後冷氣唔夠，邊食雞煲邊流晒汗。食物味道普通。其實寧願比多少少錢係出面其他雞煲餐廳食算。起馬食得舒服啲。雖然本身係奔住個蟹黃飯/同蟹粉小龍包嚟，但食完覺得麻麻。蟹粉小龍包無蟹粉味。…查看更多

諗住佢做優惠去試下點知勁後悔雞煲啲雞勁乾 叫啲餸又好平價好難食啲牛係咬都咬唔開落單又唔跟你寫既數量去比 又慢 又漏單唯一正常 係正常既野食得糖心蛋同娃娃菜最最最難食係個芋圓糖水 連粒芋圓都可以咁難食真係好勁除左野食差 連服務都唔掂表面好似好nice死都唔開樓上比人坐 要全部人一齊逼係下面食食下會係咁搭枱落黎又無限加凳條路行都行唔到張枱放完個爐同食野既碗筷 基本已經冇位放其他啲職員會無啦啦同自己人鬧交仲會係咁上錯野食比你隔離枱明明仲遲過我半個鐘先食但我last order既時侯居然話隔離枱都last order完全冇system可言食完都唔知自己食左乜食多舊都覺得浪費自己quota離開間餐廳即刻要去再搵過間正常餐廳去醫肚同安慰心靈就算$50都唔會幫襯…查看更多