龍記小廚

營業中

休息中

入冬就梗係要食羊腩煲啦，是晚嚟到牛頭角嘅龍記小廚試下，聽街坊講龍記小廚啲小菜唔錯㗎。⭐龍記羊腩煲羊腩煲送生菜一份，個煲唔細羊腩都唔少，仲有筍、冬菇、馬碲、枝竹等，炆得香口入味，連薑都炆都淋晒無渣㗎，羊腩連皮起正，點埋個腐乳醬無得彈呀😍⭐椒鹽九肚魚仲叫咗個香口嘢椒鹽九肚魚，九肚魚炸得外脆內嫩，魚肉入口非常滑，外面脆卜卜勁正。⭐白飯羊腩煲咁正梗係要返個白飯啦，淨係啲南乳汁撈汁都食到幾碗。⭐汽水飲飽食醉叫返罐汽水解下膩先，凍冰冰爽呀。店內食客都唔少，見枱枱都叫隻雞嚟食，莫非呢度啲雞好正嘅？下次嚟試下先😋