手工餃羊肉湯館

營業中

休息中

今日去鴨脷洲探朋友，佢打咗我係一間專門食羊嘅小店舖頭名有手工餃，咁第一樣食嘅當然就係羊肉餃子啦，果然好介紹喎，餃子餡皮好薄，有好味嘅新鮮羊肉做餡，原本我係唔鍾意點醋食餃子嘅，但係老闆就話我知，佢哋嘅餃子點咗醋之後，特別鮮味，我就即管試吓，話原來真係好正跟住食烤魷魚，由於係開放式廚房，佢哋烤緊魷魚嘅時候，已經聞到好香好香嘅味道，上菜嘅時候，就配咗日本芥辣加豉油，平時食海鮮食鮮魷嘅時候就會咁樣食，但係烤魷魚就第一次有呢個配置，原來又係一絕，入口慢慢咀嚼嘅時候，竟然有鮮魷魚嘅美味，同時保持烤魷魚乾嘅口感，真係神奇正如店舖入邊嘅解說一樣，羊肉湯香氣四溢，溫補不膩，我朋友點咗羊肉湯飯，而我點咗咖喱羊腩飯，都會附上一碗羊肉湯，飲呢碗清甜熱辣辣嘅湯，到處都係好俾心機嘅製作，我試咗朋友碗羊肉湯嘅羊肉，好香嘅羊味，連飯連湯一齊入口，美味而不燥熱，我碗咖喱羊腩，就更加冇得頂，上菜時咖喱嘅香味已經好正，即刻撈埋白飯食，咖喱汁嘅辣度真係好醒神，我邊食邊流鼻水，但係非常滋味羊腩一啲臊味都冇，好有咬口，肥嘅部份特別香，瘦嘅部份嘅羊肉味亦都好正由於兩個大男人非常為食，我哋叫多咗一客孜然手抓羊排，上菜時孜然粉嘅香味又